Býrabaida ótip jatqan Ulttyq quryltaidyń IV otyrysynda Memleket basshysy qazir búkil elimiz boiynsha iri infraqurylymdyq jobalar júzege asyrylyp jatqanyn aityp, olardyń árqaisysyna toqtalyp ótti, dep habarlaidy Dalanews.kz.
Prezidenttiń aitýynsha:
- 2025-2026 jyldardyń ózinde Qashaǵan kenishinde gaz óńdeý zaýytyn, sonymen birge, "Taldyqorǵan – Úsharal" magistraldi gaz qubyry men "Beineý–Bozoi-Shymkent» gaz qubyrynyń ekinshi jelisin iske qosý josparlanǵan.
- Úkimet Qyzylorda jáne Túrkistan oblystarynda bý-gaz qurylǵysyna negizdelgen elektr stansasyn salady. Almatydaǵy JEO-2 jáne JEO-3 jańǵyrtylatyn bolady.
- "Kendirli" demalys aimaǵynda sý tushytatyn zaýyt jumys istei bastaidy. Kásiporyn Jańaózen qalasy turǵyndaryn aýyz sýmen turaqty qamtamasyz etedi.
- Qaraǵandyda jáne Ekibastuzda bolat qorytatyn zaýyttar, Jambyl oblysynda mineraldy tyńaitqysh óndiretin himiia kesheni paidalanýǵa beriledi.
- Almaty qalasynda jáne Qostanai oblysynda avtokólik zaýyttary ashylady. "Dostyq-Moiynty" temir jol ýchaskesiniń jáne Almaty beketin ainalyp ótetin temir jol jelisiniń qurylysy aiaqtalady. "Qyzyljar – Moiynty" baǵytynda jańa joba bastalady.
- Aqtaýda Kaspii teńiziniń jaǵalaýyndaǵy konteiner haby salynyp bitedi. "Qorǵas – Shyǵys qaqpa" EEA aýmaǵynda halyqaralyq áýejai jumys istei bastaidy. Zaisan, Katonqaraǵai men Kendirli demalys aimaqtarynda da áýejai ashylady.
- Kaspii teńiziniń ultanymen talshyqty-optikalyq bailanys jelisi tartylady, bul qadam Eýropa men Aziia arasynda tsifrlyq dáliz jasaýǵa múmkindik beredi. Elimizdiń avtokólik joldary jelisin damytý jumysynyń mán-mańyzy óte zor.
"Osy tusta taǵy bir mańyzdy infraqurylymdyq joba qolǵa alynatyny týraly jariialaǵym keledi. Men Úkimetke Astanadan Arqalyq, Torǵai jáne Yrǵyz arqyly Transkaspii halyqaralyq kólik dálizine týra shyǵatyn avtokólik jolynyń qurylysyn bastaýdy tapsyrdym. Jańa kúre jol ortalyq jáne batys aimaqtardyń arasyn 560 shaqyrymǵa qysqartady. Bul – tutas Torǵai óńiriniń damýyna tyń serpin beretin aýqymdy joba", - dedi Qasym-Jomart Toqaev.
Prezidenttiń aitýynsha, budan bólek Arqalyqtaǵy áýejaidy qalpyna keltirip, jańa aerovokzal salǵan jón.
"Bul joba ishki kólik qatynastaryn edáýir jaqsartady. Sondai-aq ortalyq aimaqtaǵy aýyl sharýashylyǵy jerlerin igerýge jáne mal sharýashylyǵyn damytýǵa tyń serpin beredi. Elimizde mashina jasaý, metallýrgiia, munai-himiia, agroónerkásip jáne kólik-logistika salalarynda mundai jobalar az emes", - dedi Memleket basshysy.
