Qazaqstandyqtar Reseidiń Ýkrainaǵa qarsy soǵysyn qoldaýshy reseilik ánshi Vladimir Presniakovtiń kontsertin toqtatýdy talap etýde, dep habarlaidy Dalanews.kz.
Óner iesi Qazaqstanǵa naýryz aiynda kelýdi josparlap otyr. Reseilik ánshiniń kontserti 15 naýryz Astanada, al 16 naýryz Almatyda uiymdastyrylmaq. Bilet baǵasy 15-60 myń teńge aralyǵynda satylyp jatyr.
2022 jyly Presniakov Reseidiń Ýkrainaǵa qarsy soǵysyn qoldap, kontsertten túsken qarjysyn Resei áskerine aýdarylǵanyn jariialaǵan bolatyn.
2023 jyldyń 7 qańtarynda óner iesi Ýkrainanyń sanktsiialyq tizimine endi. Sebebi ol Resei basqynshylaryn jáne Resei Federatsiiasynyń Ýkrainaǵa qarsy surapyl soǵysyn ashyq túrde qoldaitynyn jetkizdi.
Ótken jyly qazaqstandyqtar soǵysty qoldaityn ártisterdiń birneshe kontsertinen bas tartýǵa múmkindik aldy. Bul tizimde Grigorii Leps, Tatiana Navka jáne “Kamyziaki” toby boldy.
Onyń ornyna qazaqstandyqtar soǵysqa qarsylyq tanytqan Maksim Galkinniń kontsertin ótkizýdi usynǵan. Ókinishke qarai, ázilkeshtiń Almaty men Astana qalalaryndaǵy kontserti sahnalar men kommýnikatsiialar boiynsha týyndaǵan máselelerge bailanysty ótkizilmedi. Osy tusta, halyq Galkinniń ónerine qoldaý bildirý úshin petitsiia da qurdy. Alaida bul áreket esh nátijesin bermedi.
Qazirgi tańda Vladimir Presniakovtiń kontsertine bailanysty áleýmettik jeli qoldanýshylary "taǵy bir okkýpant kele jatyr", “qolyn qanǵa malǵan eldiń ánshileri elimizge kirmesin” degen syńaida túrli pikir bildirýde.
