Shýchinskide jedel járdem júrgizýshisine shabýyl jasaǵan er adam qolǵa tústi, dep habarlaidy Dalanews.kz.
Áleýmettik jelide atalmysh oqiǵanyń videosy paida boldy. Munda er adam janarmai quiý beketteriniń birinde jedel járdem júrgizýshisin soqqyǵa jyǵady.
Kýágerlerdiń aitýynsha, kikiljiń jol máselesinen týyndaǵan.
"Júrgizýshi kóligin durys qoimai, jol bergisi kelmedi. Jedel járdem brigadasy shaqyrýǵa asyǵyp turǵan. Oqiǵa orny: Shýchinsk, Gelios janarmai quiý beketi, 10.02.2024 jyl", - delingen video sipattamasynda.
Kóp uzamai Aqmola oblysynyń politsiiasy shabýyl jasaǵan azamattyń ustalǵanyn málimdedi.Politsiia málimetinshe, bul jaǵdai qazir tekserilip jatyr.
"Aqmola oblysynyń Politsiia departamenti Shýchinsk qalasyndaǵy janar-jaǵarmai quiý beketinde jedel járdem júrgizýshisine shabýyldaǵan er adamdy anyqtady. Sotaldy tergeý amaldary bastalyp, kúdikti ýaqytsha ustaý izoliatoryna qamaldy", - dedi Aqmola oblysynyń Politsiia departamenti baspasóz qyzmeti ókilderi.
Eske salaiyq, 27 qańtarda Qaraǵandyda er adam jedel járdem júrgizýshisin urǵan edi. Nátijesinde jábirlenýshiniń miy shaiqalyp, murny synǵan, keýde men bettiń jumsaq tinderine zaqym kelgen bolatyn.
