Astanalyq stendaper Aleksandr Merkýl 10 táýlikke qamaýǵa alyndy, - dep habarlaidy Dalanews.kz.
Bul aqparatty Astananyń mamandandyrylǵan aýdanaralyq soty Tengrinews.kz-ke rastady.
Stendaper zaldaǵy qonaqtarǵa qoǵamdyq orynda balaǵat sózder aitqany úshin aiyp taǵyldy.
"Sot otyrysynda A.I.Merkýl óz kinásin tolyq moiyndap, jasaǵan áreketine ókinip, sotqa 2024 jylǵy 7 maýsymdaǵy videoda aty atalǵandar men balaǵat sózder ázil qoiylym retinde aitylǵanyn atap ótti", - dep jazylǵan sot úkiminde.
Stendaperdiń ustalǵany týraly komik Ádil Aishýaqov habarlaǵan.
Eske salaiyq, buǵan deiin Qairat Nurtas ustalyp, is qozǵalǵan bolatyn. Ánshi usaq buzaqylyq jasaǵany úshin sotqa tartylǵan. Artynsha Qairat Nurtas 15 táýlikke qamaýǵa alyndy. Ol qamaýǵa alý merzimi 4 shildeden bastap saǵat 23:50-den esepteldi. Ánshi jazasyn Shymkent qalalyq ákimshilik politsiia basqarmasynda ótep shyqty.
