استانالىق ستەنداپەر الەكساندر مەركۋل 10 تاۋلىككە قاماۋعا الىندى، - دەپ حابارلايدى Dalanews.kz.
بۇل اقپاراتتى استانانىڭ مامانداندىرىلعان اۋدانارالىق سوتى Tengrinews.kz-كە راستادى.
ستەنداپەر زالداعى قوناقتارعا قوعامدىق ورىندا بالاعات سوزدەر ايتقانى ءۇشىن ايىپ تاعىلدى.
"سوت وتىرىسىندا ا.ي.مەركۋل ءوز كىناسىن تولىق مويىنداپ، جاساعان ارەكەتىنە وكىنىپ، سوتقا 2024 جىلعى 7 ماۋسىمداعى ۆيدەودا اتى اتالعاندار مەن بالاعات سوزدەر ءازىل قويىلىم رەتىندە ايتىلعانىن اتاپ ءوتتى"، - دەپ جازىلعان سوت ۇكىمىندە.
ستەنداپەردىڭ ۇستالعانى تۋرالى كوميك ءادىل ايشۋاقوۆ حابارلاعان.
ەسكە سالايىق، بۇعان دەيىن قايرات نۇرتاس ۇستالىپ، ءىس قوزعالعان بولاتىن. ءانشى ۇساق بۇزاقىلىق جاساعانى ءۇشىن سوتقا تارتىلعان. ارتىنشا قايرات نۇرتاس 15 تاۋلىككە قاماۋعا الىندى. ول قاماۋعا الۋ مەرزىمى 4 شىلدەدەن باستاپ ساعات 23:50-دەن ەسەپتەلدى. ءانشى جازاسىن شىمكەنت قالالىق اكىمشىلىك پوليسيا باسقارماسىندا وتەپ شىقتى.
