Osy jaǵdaiǵa deiin Asylbektiń armany kóp bolatyn. Zańgerlik mamandyqty aiaqtap, bolashaǵyn adam quqyǵy qorǵaýmen bailanystarǵan edi. Biraq, múkindiginiń shekteýligie qaramastan jyldar boiy jigerin joǵaltpady, jasymady. Sońǵy jyldary ózi siiaqty múgedek azamattarǵa kómektesý týraly oiy mazalap júrdi.
– 5-6 jyl ishinde túrli diagnozǵa ushyraǵan adamdy kórdim. Olarǵa tiisti kómek berilip jatqany shamaly. Múgedek adamdar qoǵamnan tysqary qalǵanyn sezindim. Olarǵa ońaltý sharalary, memleket pen qoǵam tarapynan qoldaý qajet, – deidi ol.
Oiyn iske asyrý úshin biyl Asylbek Jaldybaev Qarasai aýdanyndaǵy Palata filialyna baryp, kásipkerlik negizderin úirený maqsatynda «Biznes Keńesshi» jobasyna jazylyp, bilimin keńeitti. Jeke kásipker atandy. Palata men ákimdiktiń qoldaýymen Qaskeleńdegi «Altyn aýyl» yqshamaýdanyndaǵy turǵyn úilerdiń birindegi jertóleden oryn berildi. Ishi-syrtyn jóndep, syrlap bolǵan soń, múmkindigi shekteýli jandarǵa arnalǵan ońaltý ortalyǵyn ashty. Ortalyqqa «Kúsh-qýat» degen at berdi.
Múmkindigi shekteýli jandarǵa arnalǵan ońaltý ortalyǵynda 30-40 adamdy qabyldaýǵa arnalǵan úsh keń bólme bar. Jóndeý jumystary, barlyq apparattar men jabdyqtardy Asylbek ata-anasynyń qoldaýymen iske asyrdy. Endigi tańda ol ózi sekildi azamattarǵa barynsha kómek kórsetkisi keledi.
– Bul Qarasai aýdanynda múgedekterdi ońaltýǵa baǵyttalǵan birinshi qoǵamdyq ortalyq bolyp otyr. Osylaisha kásipkerliktegi alǵashqy isimdi áleýmettik máseleni sheshýmen bailanystyrǵym keledi. Aldaǵy ýaqytta da basqa da biznes josparlarym bar, – deidi ol.
Almaty oblysy Kásipkerler palatasynyń Qarasai aýdandyq filialynyń direktory Qonysbai Iýsýpalievtiń aitýynsha, jas kásipkerdiń jobasyn súiemeldeý úshin barlyq qajetti quqyqtyq qoldaý kórsetilip otyrmaq.
Aita keteiik, biyl Qarasai aýdanynda «Biznestiń jol kartasy – 2020» memlekettik baǵdarlamasy aiasynda iske asyrylatyn «Biznes Keńesshi» jobasna 30 azamat oqyp, kásipterin ashqan.
