Aita keteiik, 2020 jyldyń jeltoqsan aiynda iske qosylǵan Tabys qosymshasy búginge deiin smartfondarǵa 160 myń ret júktelinip, 17 myń adam tirkeýden ótti. Sonyń ishinde 7 myń adam belsendi túrde investitsiiamen ainalysady. Qosymsha arqyly investitsiialaýdyń kólemi shamamen 3 mln AQSh dollardy quraidy. Degenmen, kez kelgen jańa dúnie ýaqyt óte kele jańartýlardy talap etedi. Osy oraida Tabys qosymshasyn jasaýshylar da qarap qalmai, klientterine 6 jańalyǵyn usyndy.
Jańartý №1. Tabys 2.0 klientteri endi bir-birine baǵaly qaǵazdardy telefon nómiri boiynsha syiǵa bere alady.
Tabys-taǵy bul mańyzdy jańartý qazaqstandyqtardyń bir-birine baǵaly qaǵazdardy syilyq retinde birneshe ret shertý arqyly jiberý múmkindigin beredi. Baǵaly qaǵazdardy Tabys arqyly syiǵa berý op-ońai. Ol úshin adamnyń, bank shotynyń nómiri de, jeke kýáligi men ETsQ da qajet emes. Tek Tabys qosymshasynda syilyq alýshynyń telefon nómirin terseńiz bolǵany.
Jańartý №2. Klientter ózderiniń naqty qarjylyq maqsattaryna sai investitsiia jasai alady.
Atalmysh fýnktsiiamen klient óziniń ár maqsaty úshin birden birneshe portfel qalyptastyra alady. Maqsattaryńyz ártúrli bolýy da múmkin. Mysaly, birinshi portfelge mashina satyp alýǵa aqsha jinaý úshin investitsiialaisyz, ekinshisine – balalaryńyzdy oqytýǵa, al úshinshisine – zeinetaqyńyzǵa laiyqty ústeme aqshany qamtamasyz etý úshin investitsiialaisyz.
Jańartý №3. Qosymshamen tirkelýsiz-aq tanysýǵa bolady
Álbette, ár adam kez kelgen tańsyq dúniege senimsizdikpen jáne kúmánmen qaraityny túsinikti. Bilmeitin nársege jeke derekterimen bólisýge, bank kartasynyń nómirin engizýge adamdardyń barlyǵy birdei daiyn emes. Sondyqtan, bul fýnktsiia investitsiialaýǵa kirispes buryn qosymshamen tanysyp alýǵa múmkindik beredi. Ol úshin qosymshany júktep alyp, «Men daiynmyn» batyrmasyn basasyz, sosyn telefon nómiri men aty-jónińizdi engizesiz. Telefon nómiri bul jerde qosymshany spamnan qorǵaý úshin qajet.
Budan keiin potentsialdy investor qosymshanyń ár fýnktsiiasymen útir, núktesine deiin tanysyp shyǵyp, ary qarai paidalanýǵa bola ma, álde qajet emes pe degen suraǵyna jaýap ala alady.
Jańartý №4. Birjalyq notanyń quramy egjei-tegjeili sipattalǵan jańa interfeis
Áý basta Tabys qosymshasy shyqqanda klientterdiń jii bildirgen tilekteriniń biri – birjalyq notalardy egjei-tegjeili sipattaý bolǵan edi. Endi klient «Investitsiialar dúkeni» paraǵynda kez kelgen notaǵa basyp, ol boiynsha ózine qajetti aqparattyń bárin ala alady. Sondai-aq, úi paraqshasynda paidalanýshy sońǵy investitsiianyń qashan jasaǵanyn kóretin bolady. Eger siz bir aidyń ishinde investitsiia jasamaǵan bolsańyz, qosymsha bul týraly sypaiy túrde esińizge salady.
Jańartý №5. AIX-tiń seriktes brokerleriniń tizimi
Tabys qosymshasy – qor naryǵyndaǵy jol silteýshi bilim berý jobasy. Sonymen qatar, budan da irirek investitsiialarǵa barar joldaǵy alǵashqy qadam.
Eger paidalanýshy ózin brokerde shot ashýǵa daiynmyn dep sanasa, «Beiin» paraqshasynda AIH-tiń saýda múshelerimen tolyqqandy tanysyp shyǵa alady.
Jańartý №6. Qazaq jáne orys tilderinde Whatsapp qoldaý
Klientterden túsken kóptegen ótinishter boiynsha, endi Tabys paidalanýshylary qazaq jáne orys tilderinde Whatsapp qoldaý fýnktsiiasy qoljetimdi. Iaǵni, tirkelý kezinde nemese odan keiingi kezeńderde paidalanýshyda qandai da bir suraqtar týyndasa, onda «Whatsapp qoldaý» qyzmetine (+7 776 290 98 95) jumys kúnderi saǵat 9.00-den bastap 18.00-ge deiin habarlasýǵa bolady. Budan bólek, klient suraqtardy qosymshanyń ózindegi chat-botqa qoiyp, qosymshadan shyqpai-aq «Habarlama» paraqshasynda lezde jaýap ala alady.
Aita keteiik, Tabys mobildi qosymshasynyń maqsaty – qazaqstandyqtardy qor naryǵyndaǵy investitsiialarǵa qatystyrý.
Baǵaly qaǵazdar sebetine azdaǵan somalardan bastap investitsiialaýdyń qarapaiym ári yńǵaily tásilin usyný. Investitsiialar álemimen tanystyryp, brokerlik kompaniialar arqyly anaǵurlym iri salymdar jolyndaǵy alǵashqy saty bolý. Tabys mobildi qosymshasy AIH birjasynyń kómegimen jasalǵan.
