– Biz azamattardyń qajettilikterin qamtamasyz etýge baǵyttalǵan shynaiy naryqtyq ekonomikaǵa kóshýimiz qajet. Sondyqtan aldymyzda kúrdeli kezeń tur. Biz qiyn-qystaý zamanda ómir súrip jatyrmyz.
Dástúrli ekonomikalyq jáne logistikalyq bailanystar úzilip jatyr. Oǵan qosa infliatsiia sharyqtap tur. Álem ekonomikasynyń damý qarqyny tómendep ketti. Memleketter qaryzǵa belsheden batty. Saýda-sattyqqa kedergi kóbeiedi. Sondai-aq elderdiń ózara senimi azaiyp barady.
Munyń bári álem ekonomikasyndaǵy qalypty jaǵdaiǵa ainaldy. Budan bylai tabiǵi bailyq elimizdiń ornyqty damýyna negiz bola almaidy, – dedi Memleket basshysy.
