بۇگىن مەملەكەت باسشىسى قاسىم-جومارت توقايەۆتىڭ توراعالىعىمەن ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەس ءوتتى. ماڭىزدى باسقوسۋدا پرەزيدەنت الەمدە گەوساياسي احۋالدىڭ ۋشىعىپ، ساۋدا-ساتتىققا كەدەرگىلەر كوبەيگەنىن ايتا كەلە، مۇنداي كەزەڭدە تابيعي بايلىق ەلىمىزدىڭ ورنىقتى دامۋىنا نەگىز بولايتىنىن ۇكىمەتتىڭ ەسىنە سالدى، – دەپ حابارلايدى Dalanews.kz.

– ءبىز ازاماتتاردىڭ قاجەتتىلىكتەرىن قامتاماسىز ەتۋگە باعىتتالعان شىنايى نارىقتىق ەكونوميكاعا كوشۋىمىز قاجەت. سوندىقتان الدىمىزدا كۇردەلى كەزەڭ تۇر. ءبىز قيىن-قىستاۋ زاماندا ءومىر ءسۇرىپ جاتىرمىز.

ءداستۇرلى ەكونوميكالىق جانە لوگيستيكالىق بايلانىستار ءۇزىلىپ جاتىر. وعان قوسا ينفلياسيا شارىقتاپ تۇر. الەم ەكونوميكاسىنىڭ دامۋ قارقىنى تومەندەپ كەتتى. مەملەكەتتەر قارىزعا بەلشەدەن باتتى. ساۋدا-ساتتىققا كەدەرگى كوبەيەدى. سونداي-اق ەلدەردىڭ ءوزارا سەنىمى ازايىپ بارادى.

مۇنىڭ ءبارى الەم ەكونوميكاسىنداعى قالىپتى جاعدايعا اينالدى. بۇدان بىلاي تابيعي بايلىق ەلىمىزدىڭ ورنىقتى دامۋىنا نەگىز بولا المايدى، – دەدى مەملەكەت باسشىسى.