Baqylaý paketi "QazMunaiGazǵa" tiesili ári Qazaqstan munaiyn óńdeitin Rýmyniiadaǵy iri MÓZ jumysshylarynyń jalaqysyn infliatsiia deńgeiinen de joǵary indeksteýge kelisken, dep habarlaidy Dalanews.kz.
Munai óńdeýmen jáne munai himiiasymen ainalysatyn jáne "QazMunaiGaz" (QMG) - KMG International (KMGI) Niderland qurylymynyń 54,63% aktsiialary tiesili rýmyndyq Rompetrol Rafinare kompaniiasy ótken jyly kásipodaqtarmen kelissózder júrgizgeni belgili boldy. Bul týraly 2024 jyldyń qorytyndysy boiynsha kompaniia jariialaǵan baspasóz habarlamasynda aitylady.
"Ótken jyldyń sońynda kompaniia kásipodaqpen barlyq qyzmetkerlerdiń jalaqysyn biylǵy infliatsiianyń boljamdy deńgeiinen de joǵary kóterý, sondai-aq basqa da jeńildikterdi arttyrý týraly kelissózder júrgizgen. Osylaisha, kompaniia óziniń ashyqtyǵyn jáne kúrdeli ekonomikalyq jaǵdaiǵa qaramastan barlyq jumysshysy úshin básekege qabiletti jumys ortasyn qalyptastyrýǵa daiyn ekendigin kórsetti", - delingen onda.
Rompetrol aktsiialarynyń 44,7% - y Rýmyniianyń Energetika ministrligine tiesili.
Bir qyzyǵy, kelissózder Rompetrol shyǵynǵa ushyrap jatqan kezde júrgizilgen. 4,9 mlrd dollar túsim túskenine qaramastan, QMG-nyń "enshilesi" 2024 jyly 78,4 mln dollar minýsqa ketken. 2023 jyly da Rompetrol 240,5 million dollar shyǵynǵa ushyraǵan, al osy jaǵynan alǵanda, bul rette qandai da bir progress seziledi.
Kompaniia málimetinshe, qarjylyq nátijelerge "Petromidia" MÓZ-diń 2024 jyldyń naýryz-mamyr ailary aralyǵynda josparǵa sai kúrdeli jóndeý jumystaryna bailanysty toqtaýy, sondai-aq shiki munai men munai ónimderine: otynǵa, biokomponentterge álemdik baǵalardyń qubylmalylyǵynyń artýy siiaqty kompaniia qyzmetine táýeldi emes faktorlar áser etti. Osylaisha, ótken jyldyń birinshi jartysynda Rompetrol tolyq qýatynda jumys istemedi.
Jalpy, Petromidia jáne Vega MÓZ-deri 4,9 mln tonnaǵa jýyq qazaqstandyq munaidy qaita óńdedi.
"Rompetrol Rafinare" óziniń eń iri salyq tóleýshi mártebesin saqtap qaldy jáne 2024 jyly Rýmyniianyń memlekettik biýdjetine shamamen 1,53 milliard AQSh dollar kóleminde úles qosty, degenmen bul deńgei 2023 jylǵysynan tómen, atap aitqanda 1,65 milliard AQSh dollardan asady (2022 jylǵy 126 million AQSh dollar kólemindegi yntymaqtastyq salyǵyn qosa eseptegende). Kompaniianyń 2024 jylǵy tólemine 2023 jylǵy yntymaqtastyq salyǵy jáne 2024 jyldyń alǵashqy úsh toqsanyndaǵy taýar ainalym salyǵyn bildiretin 11,3 million AQSh dollary kiredi", delingen munai óńdeýshiniń habarlamasynda.
Aita ketsek, 2025 jyly QMG-nyń Bolgariiadaǵy MÓZ-di satyp alǵaly jatqany týraly alyp-qashpa sóz tarady. Aqyry, kompaniia bul aqparatqa qatysty túsinikteme de berdi.
