Amerikalyq biznesmen Djeims Kemeron Qazaqstandaǵy Eurasian Resources Group (ERG) taý-ken kompaniiasynyń 100 paiyz aktsiiasyn 5 milliard dollarǵa satyp alýǵa usynys jasady. Bul týraly Reuters agenttigi óz qolyna túsken resmi qujattarǵa silteme jasap málimdedi, dep habarlaidy Dalanews.kz.
ERG – mys, kobalt, aliýminii jáne temir rýdasyn óndiretin iri kompaniia, onyń 40 paiyzy Qazaqstan úkimetine tiesili. Ótken jyly ERG elimizdegi sirek jáne sirek jer metaldar ken oryndaryn barlaýǵa baǵyttalǵan arnaiy top qurǵan bolatyn.
Djeims Kemeron direktorlar keńesine joldaǵan hatynda bul kelisimdi qarjylandyrý úshin óz qarajaty men AQSh, Aýstraliia jáne Taiaý Shyǵystan keletin basqa investorlardyń kapitalyn paidalanýǵa daiyn ekenin jetkizgen. Mámileniń qarjylyq keńesshisi retinde áigili Goldman Sachs kompaniiasy tartylýy múmkin.
Amerikalyq investordyń qyzyǵýshylyǵy Qazaqstannyń strategiialyq mańyzynyń artýymen bailanysty bolyp otyr. Sebebi, elimiz 2028 jylǵa deiin sirek kezdesetin jáne sirekjer metaldaryn óndirýdi 40 paiyzǵa arttyrýdy josparlaýda. Biylǵy sáýir aiynyń basynda Qazaqstan aýmaǵynda boljamdy qory 20 million tonnadan asatyn iri ken orny anyqtalǵan bolatyn. Eger bul derekter tolyq rastalsa, Qazaqstan sirekjer metaldarynyń qory boiynsha álemdik úzdik úshtikke kirýi múmkin.
