Elimizde sırek kezdesetin alstromerıa gúli Qazyǵurt aýdany Turbat aýylynda ósiriledi. Jergilikti baǵban Jámıla Yrysova erekshe kútimdi qajet etetin sándik ósimdikti jersindirip úlgergen, – dep habarlaıdy Dalanews.kz.

–Tuqymyn Ózbekstannan tapsyryspen aldyrdym. Negizinen, perý lalagúli – Ońtústik Amerıka men Golandıada ǵana ósetin názik gúl. Bir ret egilgen ónim úsh jyl boıy ónim beredi, – dedi J. Yrysova.

Bul kásippen 6 jyldan beri aınalysyp keledi.  Munda 3 túrli gúl ósedi. Basym bóligi osy «alstromerıa» dep atalatyn gúl. Alǵashqyda úı aýlasynda gúl ósirýden bastalǵan kásip búginde otbasylyq bızneske aınalǵan. 6 sotyq jylyjaıdyń aýmaǵy 22 sotyqqa ulǵaıǵan. Otbasynyń barlyq múshesi osy jylyjaıda eńbek etip, nápaqasyn taýyp otyr.