Ál-Farabi atyndaǵy Qazaq ulttyq ýniversitetinde «Matematika, mehanika jáne aqparattyq tehnologiialar» atty H halyqaralyq ǵylymi konferentsiia óz jumysyn bastady. Aýqymdy ǵylymi shara QR Ǵylym jáne joǵary bilim ministrliginiń qoldaýymen uiymdastyrylýda, dep habarlaidy Dalanews.kz
Konferentsiiaǵa Qazaqstan, AQSh, Ulybritaniia, Japoniia, Italiia, Resei, Portýgaliia, Pákistan, Ázerbaijan, Litva, Grýziia jáne basqa da elderdiń kórnekti ǵalymdary men sarapshylary qatysýda.
Alqaly jiyndy QazUÝ-dyń Basqarma Tóraǵasy-Rektory Janseiit Túimebaev quttyqtaý sózben ashyp, tsifrlyq tehnologiianyń mańyzyna toqtaldy.
«Tsifrlyq tehnologiialardyń damýy – jańa múmkindikter men syn-qaterler kezeńi. El Prezidenti Qasym-Jomart Toqaev Joldaýynda jasandy intellekti basym baǵyt retinde atap ótti. Búginde bul – tek zertteý nysany ǵana emes, sonymen qatar injenerlik jáne óndiristik mindetterdi sheshýdiń qýatty quraly. Ýniversitetimiz osy baǵytta belsendi ǵylymi jobalar júrgizip, jas ǵalymdar men stýdentterdi innovatsiialyq qyzmetke keńinen tartýda», – dei kele, rektor ýniversitettiń ǵylymi ortalyqtary atqaryp jatqan zertteýjumystarymen tanystyrdy.
Sonymen qatar ashylý saltanatynda QR Ulttyq injenerlik akademiiasynyń prezidenti Baqytjan Jumaǵulov, QR UǴA akademigi Aidarhan Qaltaev, Resei ǴA korrespondent-múshesi Sergei Kabanihin sóz sóilep, matematika men mehanikanyń irgeli máseleleri jaily pikir bildirdi.
Úsh kúnge sozylatyn halyqaralyq jiyn aiasynda álemdik deńgeidegi ǵalymdardyń qatysýymen plenarlyq májilister; matematika, mehanika, IT salalary boiynsha sektsiialyq otyrystar; jas zertteýshiler óz jobalaryn usynatyn stendtik sessiialar; «Ǵylym men injeneriiadaǵy jasandy intellekt: syn-qaterler men múmkindikter» atty dóńgelek ústel jáne ózge de sharalar josparlanǵan.
Konferentsiia barysynda QR jáne RF Ulttyq ǵylym akademiialarynyń akademikteri, Pittsbýrg ýniversiteti, Padýia ýniversiteti, London ýniversiteti (Queen Mary), Nazarbaev Ýniversiteti jáne ózge de jetekshi ǵylymi ortalyqtar professorlary baiandama jasaidy. Sondai-aq úzdik baiandamalar men zertteýler arnaiy syilyqtarmen marapattalmaq.
Basqosýda matematika men mehanikanyń irgeli jáne qoldanbaly máseleleri, robototehnika, aqparattyq tehnologiialar jáne jasandy intellekt salasyndaǵy sońǵy jetistikter talqylanýda.
