Sybailastar balalarǵa jertólelerde sabaq berip, al synyptardy jeke tabys úshin paidalanǵany málim boldy. Rinat Aimuqanovtyń aitýynsha, asa mańyzdy ister boiynsha tergeýshi Sýhanberdieva men Sheverniaeva №3 memlekettik mektepte ózderiniń jeke mektebin uiymdastyryp, oqýshylarǵa qysym kórsetkenin alǵa tartty.
Sýhanberdieva hanym buǵan deiin de talai ret isti bolyp ádil sottan ailasyn asyryp ketken edi.
Tergeý mektepke sanitarlyq-epidemiologiialyq jáne órt qaýipsizdigi qyzmetin jiberip teksertkende birqatarzań buzýshylyqtardy anyqtapty.
– Gimnaziianyń 48 oqý bólmesiniń 10-y jekemenshik mektepke jalǵa bergen. Taǵy 5 bólmeni tabys tabý úshin biriktiripti. Atalǵan mektepte bala sanynyń artýy birneshe jyldan beri baiqalǵan. Aitalyq, 2018-2019 oqý jyldary kórsetkish 20%-dan asyp ketken.
Mektep direktory Sheverniaeva memlekettik organdarǵa mektepte áli kúnge deiin oqý bólmelerin jalǵa berý múmkindigi bar ekendigi týraly málimetterdi usyndy. Osylaisha mektep direktory oqýshylar men olardyń ata-analarynyń quqyqtaryn buzylǵanyn anyqtadyq. Memlekettik mekteptiń oqýshylary oryn bolmaǵandyqtan jertólede oqýǵa májbúr boldy. Mysaly, er balalarǵa AÁD, tehnologiia pánderi jertólege sabaq ótkizildi, – deidi tergeýshi.
Mekteptiń keibir synyptary órt qaýipsizdigin saqtalmaǵan. Sybailastar synyptardaǵy órt qaýipsizdigin biznes úshin buzǵan.
Sonymen qatar, sońǵy 3 jyl ishinde №3 mektep balalaryn bilim ordasyna qabyldaýdan bas tartqany týraly faktiler de anyqtalypty. Olar ózderiniń mundai áreketke orynnyń bolmaýymen bailanystyrǵan.
Osylaisha Sýhanberdieva qolynda turǵan kezde qonyshynan basyp, bilim mekemelerin tabys tabýǵa barynsha paidalanǵany málim boldy. Osydan birneshe ai buryn ádil sottyń zalynan tolyqtai aqtalyp shyqqan Sýhanberdievanyń basqa da bylyqtary áshkere boldy. Endi ol quqyq qorǵaý organdarynyń quryǵyna qalai qutylady eken?
