سىبايلاستار بالالارعا جەرتولەلەردە ساباق بەرىپ، ال سىنىپتاردى جەكە تابىس ءۇشىن پايدالانعانى ءمالىم بولدى. رينات ايمۇقانوۆتىڭ ايتۋىنشا، اسا ماڭىزدى ىستەر بويىنشا تەرگەۋشى سۋحانبەردييەۆا مەن شيەۆەرنيايەۆا №3 مەملەكەتتىك مەكتەپتە وزدەرىنىڭ جەكە مەكتەبىن ۇيىمداستىرىپ، وقۋشىلارعا قىسىم كورسەتكەنىن العا تارتتى.
سۋحانبەردييەۆا حانىم بۇعان دەيىن دە تالاي رەت ءىستى بولىپ ءادىل سوتتان ايلاسىن اسىرىپ كەتكەن ەدى.
تەرگەۋ مەكتەپكە سانيتارلىق-ەپيدەميولوگيالىق جانە ءورت قاۋىپسىزدىگى قىزمەتىن جىبەرىپ تەكسەرتكەندە ءبىرقاتارزاڭ بۇزۋشىلىقتاردى انىقتاپتى.
– گيمنازيانىڭ 48 وقۋ بولمەسىنىڭ 10-ى جەكەمەنشىك مەكتەپكە جالعا بەرگەن. تاعى 5 بولمەنى تابىس تابۋ ءۇشىن بىرىكتىرىپتى. اتالعان مەكتەپتە بالا سانىنىڭ ارتۋى بىرنەشە جىلدان بەرى بايقالعان. ايتالىق، 2018-2019 وقۋ جىلدارى كورسەتكىش 20%-دان اسىپ كەتكەن.
مەكتەپ ديرەكتورى شيەۆەرنيايەۆا مەملەكەتتىك ورگاندارعا مەكتەپتە ءالى كۇنگە دەيىن وقۋ بولمەلەرىن جالعا بەرۋ مۇمكىندىگى بار ەكەندىگى تۋرالى مالىمەتتەردى ۇسىندى. وسىلايشا مەكتەپ ديرەكتورى وقۋشىلار مەن ولاردىڭ اتا-انالارىنىڭ قۇقىقتارىن بۇزىلعانىن انىقتادىق. مەملەكەتتىك مەكتەپتىڭ وقۋشىلارى ورىن بولماعاندىقتان جەرتولەدە وقۋعا ءماجبۇر بولدى. مىسالى، ەر بالالارعا ءااد، تەحنولوگيا پاندەرى جەرتولەگە ساباق وتكىزىلدى، – دەيدى تەرگەۋشى.
مەكتەپتىڭ كەيبىر سىنىپتارى ءورت قاۋىپسىزدىگىن ساقتالماعان. سىبايلاستار سىنىپتارداعى ءورت قاۋىپسىزدىگىن بيزنەس ءۇشىن بۇزعان.
سونىمەن قاتار، سوڭعى 3 جىل ىشىندە №3 مەكتەپ بالالارىن ءبىلىم ورداسىنا قابىلداۋدان باس تارتقانى تۋرالى فاكتىلەر دە انىقتالىپتى. ولار وزدەرىنىڭ مۇنداي ارەكەتكە ورىننىڭ بولماۋىمەن بايلانىستىرعان.
وسىلايشا سۋحانبەردييەۆا قولىندا تۇرعان كەزدە قونىشىنان باسىپ، ءبىلىم مەكەمەلەرىن تابىس تابۋعا بارىنشا پايدالانعانى ءمالىم بولدى. وسىدان بىرنەشە اي بۇرىن ءادىل سوتتىڭ زالىنان تولىقتاي اقتالىپ شىققان سۋحانبەردييەۆانىڭ باسقا دا بىلىقتارى اشكەرە بولدى. ەندى ول قۇقىق قورعاۋ ورگاندارىنىڭ قۇرىعىنا قالاي قۇتىلادى ەكەن؟
