Sýyqqa qarsy qorǵanys: immýnitetti kúsheitetin taǵamdar

Kúzde sýyq tiiý, tumaý jáne basqa da virýstyq aýrýlar kóbeie bastaidy. Aýa raiynyń qubylýy, kúnniń qysqarýy, ylǵal men jel – bári de aǵzanyń álsireýine áser etedi. Degenmen, syrqattan saqtanýdyń eń tiimdi joly – durys tamaqtaný. Adam densaýlyǵyna qajetti dárýmenderge bai ónimderdi usynamyz, dep habarlaidy Dalanews.kz

Nelikten kúzde jii aýyramyz?

Kún sáýlesiniń azaiýymen aǵzada D dárýmeni tómendeidi, al sýyq pen temperatýranyń kúrt aýysýy immýnitetti álsiretedi. Sonymen qatar, oqý jyly men jumys maýsymynyń bastalýy júike júiesine qosymsha salmaq túsiredi. Munyń bári virýstardyń taralýyna qolaily orta jasaidy.

Immýnitetti jaqsartatyn kúzgi taǵamdar

1. Tabiǵi antiseptikter — piiaz ben sarymsaq

Bul kókónisterdiń quramyndaǵy allitsín virýs qabyqshasyn buzyp, infektsiianyń damýyn tejeidi. Tamaqqa shiki kúiinde azdap qosý — eń qarapaiym profilaktika.

2. Bal

Baldy turaqty paidalaný aǵzany jylytyp, bakteriialarǵa qarsy turý qabiletin arttyrady. Ásirese bal men limon qosylǵan jyly shai — sýyq kúnderdiń taptyrmas qorǵany.

3. Jidekter men jemister

Búldirgen, qaraqat, itmuryn — S dárýmeniniń naǵyz qainar kózi. Olar aǵzany tazartyp, qan ainalymyn jaqsartady.

4. Kókónister men qyzyl-sary tústi ónimder

Sábiz, asqabaq, qyzyl burysh, alma jáne t.b ónimderdiń quramynda beta-karotin bar. Ol teri men shyryshty qabyqtyń qorǵanys qyzmetin nyǵaitady.

Qajetti dárýmender men mineraldar

D dárýmeni – kún azaiǵan kezde aǵzaǵa eń qajet element. Ony balyq, jumyrtqa, sary mai jáne baýyr sekildi taǵamdardan alýǵa bolady.

C dárýmeni – jańa pisken kókónister men jemisterde mol. Aǵza bul dárýmendi jinai almaityndyqtan, ony kún saiyn tutyný mańyzdy.

B toby dárýmenderi – júike júiesin qoldaidy jáne energiia beredi. Bul dárýmender qaraqumyq, suly, burshaq jáne jańǵaqta kezdesedi.

Kúzgi ratsionnyń úsh basty erejesi

1. Kúnine keminde bes túrli tústi jemis pen kókónis jeńiz. Bul dárýmender men antioksidanttardyń teńgerimin qamtamasyz etedi.
2. Jyly jáne suiyq taǵam: kúzde aǵzanyń sýyqqa tózimdiligin arttyrý úshin sorpa men ystyq botqalardy kóbirek tutynǵan durys.
3. Sý ishý tártibi: sýyqta shól azaiady, biraq aǵzaǵa sý qajet. Kúnine 1 kg dene salmaǵyna 30–35 ml sý ishý usynylady.

Qarapaiym, biraq paidaly sýsyndar

• Itmuryn tunbasy – tabiǵi immýndyq qorǵanys kózi.
• Zimbir men limon qosylǵan shai – sýyq tigende kómektesedi.
• Qantsyz jidek morsy – aǵzany ylǵaldandyrady jáne virýstarǵa tosqaýyl bolady.