Kóp adam artyq salmaqtan arylý úshin eń aldymen nannan bas tartady. Biraq bir aı boıy nan jemese, aǵzada naqty qandaı ózgerister bolady? Bul sheshim shynymen paıdaly ma, álde keri áseri de bar ma? Tolyǵyraq Dalanews.kz saıtynda.

Salmaq azaıýy múmkin

Nannan bas tartqanda eń aldymen salmaq azaıýy yqtımal. Sebebi bul kómirsýlardyń azaıýymen baılanysty. Aǵza glıkogen qoryn jumsap, sonymen birge sý da syrtqa shyǵarylady. Alaıda bul tolyqqandy maı jaǵý emes, kóbine sý joǵaltý ekenin eskerý kerek.

Tábet ózgerýi múmkin

Aq nan sıaqty rafınadtalǵan ónimder qandaǵy qantty tez kóteredi. Keıin ol kúrt túsip, qaıtadan ashtyq sezimin týdyrady. Nan jemeseńiz, mundaı ashtyq sezimi azaıýy múmkin.

Álsizdik paıda bolýy múmkin

Nan – kómirsýlardyń negizgi kózi. Al kómirsýlar – aǵzanyń basty energıasy. Sondyqtan nandy tolyq alyp tastaý keı adamdarda álsizdik, tez sharshaý, jumys qabiletiniń tómendeýine ákelýi múmkin.

Sportpen aınalysý qıyndaýy múmkin

Kómirsýlar azaısa, energıa da azaıady. Nátıjesinde jattyǵý kezinde kúsh jetpeýi, tez sharshaý baıqalýy múmkin.

Kóńil kúıge áser etedi

Kómirsýlar serotonın deńgeıine áser etedi — bul kóńil kúı gormony. Sondyqtan nannan tolyq bas tartý keı jaǵdaıda ashýshańdyqqa nemese kóńil kúıdiń tómendeýine alyp kelýi múmkin.

Ketoz belgileri paıda bolýy múmkin

Eger kómirsýlar óte azaısa, aǵza maıdy ydyratyp, ketondar bóle bastaıdy. Bul mynadaı belgilerge ákelýi múmkin:

• aýyzdan jaǵymsyz ıis;

• álsizdik;

• bas aınalý;

• uıqynyń buzylýy;

• zeıinniń tómendeýi.

Nannan tolyq bas tartý paıdaly ma?

Kóp jaǵdaıda – joq. Eger sizde glútenge alergıa bolmasa nemese dáriger keńes bermese, nandy tolyq alyp tastaý mindetti emes. Eń durys sheshim - aq nandy azaıtý jáne onyń ornyna tutas dándi (qara, kebekti) nan tańdaý.

Kúnine qansha nan jeýge bolady?

Mamandardyń aıtýynsha, táýligine shamamen 200–300 gram paıdaly nan (ásirese tutas dándi) tutynýǵa bolady.

Nannan bir aıǵa bas tartý qysqa merzimde salmaq azaıtqandaı áser berýi múmkin. Biraq uzaq ýaqyt boıy kómirsýlardy shekteý aǵzaǵa keri áser etýi yqtımal. Sondyqtan eń tıimdi jol — tolyq bas tartý emes, durys tańdaý men tepe-teńdik saqtaý.