Asanáli Áshimovtiń jary Baǵdat Áshimova áleýmettik jelidegi paraqshasynda qazaq óneriniń abyzyna arnalǵan kúndelik kitap týraly jazba jariialady, dep habarlaidy kznews.kz.
Ol oqyrmandarǵa akterdiń ómir jolyn, ónerge degen kózqarasyn jáne ishki tolǵanysyn tereńirek túsiný úshin osy eńbekti oqýǵa keńes berdi.
"Asanáli Áshimulymen syrlasqyńyz kelse, onyń júregin ne tolǵandyrǵanyn, ómir men óner týraly oilaryn bilgińiz kelse, kúndelik kitabyn oqyńyzdar. Bul kitaptan siz tek akterdiń ǵana emes, tutas bir dáýirdiń tynysyn, óner adamynyń ishki álemin, ómirlik ustanymdaryn taba alasyzdar", – dep jazdy Baǵdat Áshimova.
Sondai-aq ol kitapty Kaspi Magazin arqyly satyp alýǵa bolatynyn atap ótti.
Baǵdat Áshimovanyń aitýynsha, bul eńbek Asanáli Áshimovtiń shyǵarmashylyq ǵumyryn ǵana emes, onyń adamdyq bolmysyn, ómirge kózqarasyn jáne ónerge adaldyǵyn tanytatyn qundy dúnie.
Jeli qoldanýshylary bul jazbaǵa jyly pikir bildirip, qazaq óneriniń alyp tulǵasynyń kúndelikteri oqyrman úshin mańyzdy rýhani mura ekenin jazdy.
