«Qazgidromet» 30 mamyrǵa arnalǵan aýa raiy boljamyn jariialady. Senbi kúni Qazaqstannyń basym bóliginde jel kúsheiip, birqatar óńirde jańbyr men naizaǵai kútiledi, dep habarlaidy dalanews.kz.
Elordada kún qubylmaly bolyp, jaýyn-shashynsyz ótedi. Aýa temperatýrasy kúndiz +30...+32 gradýsqa deiin ysidy. Almatyda da jaýyn-shashyn bolmaidy, kúndiz +29...+31 gradýs jyly bolady. Shymkentte aýa temperatýrasy +34 gradýsqa deiin kóteriledi.
Batys óńirlerde aýa raiy turaqsyz bolady. Aqtóbe, Atyraý, Qostanai, Petropavl jáne Oral qalalarynda jańbyr jaýyp, naizaǵai oinaidy. Kei jerlerde jel ekpini sekýndyna 15-20 metrge deiin jetedi.
Qyzylorda, Túrkistan, Taraz jáne Qonaev qalalarynda aptap ystyq saqtalady. Qyzylordada kúndiz aýa temperatýrasy +37 gradýsqa deiin jetýi múmkin.
Al Aqtaýda jeldiń ekpini 18 m/s-qa deiin kúsheiedi. Óskemen men Qonaevta da ekpindi jel kútiledi.
Sinoptikter turǵyndarǵa aýa raiynyń qubylýyna bailanysty saqtyq sharalaryn ustanýǵa keńes berdi.
