Burynǵy ulttyq ekonomika ministri Qýandyq Bishimbaevtyń eks-jubaiy Nazym Qaharman aldaǵy ýaqytta ómirbaiandyq kitabyn jaryqqa shyǵarmaq, dep habarlaidy dalanews.kz.
Nazym Qaharmannyń aitýynsha, qazir kitap baspanyń qaraýynda jatyr. Týyndynyń tanystyrylymyn biyl kúzde ótkizý josparlanǵan.
Avtor bul eńbektiń avtofikshn janrynda jazylǵanyn aitty. Iaǵni kitap naqty ómirde bolǵan oqiǵalarǵa negizdelgenimen, onda kórkem ádebietke tán tásilder de qoldanylǵan.
Nazym Qaharman kitabynda burynǵy jubaiynyń jeke ómirine qatysty keibir jaittardy da qozǵaitynyn jetkizdi. Onyń sózinshe, týyndyda Bishimbaevtyń kóńil jarastyrǵan áielderi týraly aitylady. Alaida olardyń tek esimderi ǵana kórsetilip, jeke derekteri jariialanbaidy.
Sonymen qatar ol kitaptaǵy málimetterge bailanysty qandai da bir talap-aryz tússe, óz ustanymyn dáleldeýge daiyn ekenin aitty. Qaharmannyń sózinshe, onyń qolynda burynǵy kúieýine qatysty hat-habarlar men basqa da dálelder saqtalǵan.
