Atyraý oblysy Qulsary qalasyndaǵy "Nurly jer" baǵdarlamasymen salynǵan kóp qabatty úidiń jertólesinen jylan shyǵyp, turǵyndar ábigerge túsken, dep habarlaidy dalanews.kz "Aq Jaiyqqa" siltep.
"Atyraý" yqshamaýdanyndaǵy 100 páterlik 3 úi 2023 jyly jeltoqsanda kópbalaly analarǵa berilgen. Turǵyndar eki jyl qystaǵannan keiin 2024 jyly qalanyń biraz bóligin tasqyn sý basqanda, bul úiler de syrt qalmai, sýdyń qaq ortasynda eki ai turǵan. Óz úilerine kire almai bosyp ketken turǵyndarǵa qaiyqpen qatynaýǵa týra kelgen. Sý astynda qalǵan jertóle keiin tazartylǵanymen, ylǵal ketpegen.
"Endi jylan kóbeiip, ár kúnimizdi qorqynyshpen ótkizip jatyrmyz. Tún uiqysynan qaldyq. Balalarymyzdy shaǵyp alsa kim jaýap beredi?! Úiimizge qorqyp kiretin boldyq", - deidi Gúlnaz Qashabaeva.
Aýdandyq TÚKSh bóliminiń basshysy Arman Abdolov jertóle ortaq múlik bolǵandyqtan, turǵyndar jaýapty ekenin, sondyqtan ony tazartýǵa bólim aralaspaitynyn ashyq aitqan.
Al turǵyndar jertólede taǵy da jylandar paida bolýy múmkin dep qaýiptenedi.
