اتىراۋ وبلىسى قۇلسارى قالاسىنداعى "نۇرلى جەر" باعدارلاماسىمەن سالىنعان كٶپ قاباتتى ٷيدٸڭ جەرتٶلەسٸنەن جىلان شىعىپ, تۇرعىندار ەبٸگەرگە تٷسكەن, دەپ حابارلايدى dalanews.kz "اق جايىققا" سٸلتەپ.
"اتىراۋ" ىقشاماۋدانىنداعى 100 پەتەرلٸك 3 ٷي 2023 جىلى جەلتوقساندا كٶپبالالى انالارعا بەرٸلگەن. تۇرعىندار ەكٸ جىل قىستاعاننان كەيٸن 2024 جىلى قالانىڭ بٸراز بٶلٸگٸن تاسقىن سۋ باسقاندا, بۇل ٷيلەر دە سىرت قالماي, سۋدىڭ قاق ورتاسىندا ەكٸ اي تۇرعان. ٶز ٷيلەرٸنە كٸرە الماي بوسىپ كەتكەن تۇرعىندارعا قايىقپەن قاتىناۋعا تۋرا كەلگەن. سۋ استىندا قالعان جەرتٶلە كەيٸن تازارتىلعانىمەن, ىلعال كەتپەگەن.
"ەندٸ جىلان كٶبەيٸپ, ەر كٷنٸمٸزدٸ قورقىنىشپەن ٶتكٸزٸپ جاتىرمىز. تٷن ۇيقىسىنان قالدىق. بالالارىمىزدى شاعىپ السا كٸم جاۋاپ بەرەدٸ?! ٷيٸمٸزگە قورقىپ كٸرەتٸن بولدىق", - دەيدٸ گٷلناز قاشاباەۆا.
اۋداندىق تٷكش بٶلٸمٸنٸڭ باسشىسى ارمان ابدولوۆ جەرتٶلە ورتاق مٷلٸك بولعاندىقتان, تۇرعىندار جاۋاپتى ەكەنٸن, سوندىقتان ونى تازارتۋعا بٶلٸم ارالاسپايتىنىن اشىق ايتقان.
ال تۇرعىندار جەرتٶلەدە تاعى دا جىلاندار پايدا بولۋى مٷمكٸن دەپ قاۋٸپتەنەدٸ.
