Oral qalasynda sý tasqyny saldarynan jalǵyz baspanasy jaramsyz bolyp qalaǵan 10 saiajai turǵyny baspanaly boldy. Jańa páterler demeýshiler qarjysyna satyp alyndy, – dep habarlaidy Dalanews.kz BQO ákiminiń baspasóz qyzmetine silteme jasap.
Úkimet basshysynyń tapsyrmasyna sáikes, qarjylyq uiymdar men demeýshiler óńirdegi zardap shekken turǵyndarǵa qol ushyn sozyp, kómegin berýde.
Batys Qazaqstan oblysynyń ákimi Nariman Tóreǵaliev Oral qalasynyń ortalyǵyndaǵy «Omega» turǵyn úi kesheninde bolyp, qonys ielerin baspanaly bolýymen quttyqtady.
– Memleket basshysy sý tasqynynan zardap shekken turǵyndarǵa tiisti kómek kórsetýdi tapsyrǵan bolatyn. Jalǵyz baspanasy bolyp tabylatyn saiajai ielerine mine búgin taǵy da birneshe páterler berip jatyrmyz. Jalpy osy ýaqytqa deiin 750 saiajai tuǵyny baspanaǵa ie boldy. Sondai-aq, Oralda 374 úidiń qurylysy júrip jatyr, – dep atap ótti BQO ákimi Nariman Tóreǵaliev.
Nurly jol saiajai ýchaskesiniń turǵyny Qaiyrǵali Aitqalidiń jalǵyz baspanasy sýǵa ketip, jaramsyz dep tanylǵan. Búgin ol jańa páterine kirdi.
– Kóktemgi tasqyn kezinde úiimizdi sý basty. 3 ai kúttik. Búgin jańa páterdiń kiltin qolymyzǵa aldyq. Qalanyń ortalyǵynda jańa úide turamyz dep oilamaǵan edik. Osyndai jaǵdai jasaǵan Memleket basshysy Qasym-Jomart Toqaevqa alǵysymdy bildiremin, – dedi ol.
Oraldyq saiajai turǵyndaryn baspanamen qamtý jumystary aldaǵy ýaqytta da jalǵasyn tabatyn bolady.
