ورال قالاسىندا سۋ تاسقىنى سالدارىنان جالعىز باسپاناسى جارامسىز بولىپ قالاعان 10 ساياجاي تۇرعىنى باسپانالى بولدى. جاڭا پەتەرلەر دەمەۋشٸلەر قارجىسىنا ساتىپ الىندى, – دەپ حابارلايدى Dalanews.kz بقو ەكٸمٸنٸڭ باسپاسٶز قىزمەتٸنە سٸلتەمە جاساپ.
ٷكٸمەت باسشىسىنىڭ تاپسىرماسىنا سەيكەس, قارجىلىق ۇيىمدار مەن دەمەۋشٸلەر ٶڭٸردەگٸ زارداپ شەككەن تۇرعىندارعا قول ۇشىن سوزىپ, كٶمەگٸن بەرۋدە.
باتىس قازاقستان وبلىسىنىڭ ەكٸمٸ ناريمان تٶرەعاليەۆ ورال قالاسىنىڭ ورتالىعىنداعى «ومەگا» تۇرعىن ٷي كەشەنٸندە بولىپ, قونىس يەلەرٸن باسپانالى بولۋىمەن قۇتتىقتادى.
– مەملەكەت باسشىسى سۋ تاسقىنىنان زارداپ شەككەن تۇرعىندارعا تيٸستٸ كٶمەك كٶرسەتۋدٸ تاپسىرعان بولاتىن. جالعىز باسپاناسى بولىپ تابىلاتىن ساياجاي يەلەرٸنە مٸنە بٷگٸن تاعى دا بٸرنەشە پەتەرلەر بەرٸپ جاتىرمىز. جالپى وسى ۋاقىتقا دەيٸن 750 ساياجاي تۇعىنى باسپاناعا يە بولدى. سونداي-اق, ورالدا 374 ٷيدٸڭ قۇرىلىسى جٷرٸپ جاتىر, – دەپ اتاپ ٶتتٸ بقو ەكٸمٸ ناريمان تٶرەعاليەۆ.
نۇرلى جول ساياجاي ۋچاسكەسٸنٸڭ تۇرعىنى قايىرعالي ايتقاليدٸڭ جالعىز باسپاناسى سۋعا كەتٸپ, جارامسىز دەپ تانىلعان. بٷگٸن ول جاڭا پەتەرٸنە كٸردٸ.
– كٶكتەمگٸ تاسقىن كەزٸندە ٷيٸمٸزدٸ سۋ باستى. 3 اي كٷتتٸك. بٷگٸن جاڭا پەتەردٸڭ كٸلتٸن قولىمىزعا الدىق. قالانىڭ ورتالىعىندا جاڭا ٷيدە تۇرامىز دەپ ويلاماعان ەدٸك. وسىنداي جاعداي جاساعان مەملەكەت باسشىسى قاسىم-جومارت توقاەۆقا العىسىمدى بٸلدٸرەمٸن, – دەدٸ ول.
ورالدىق ساياجاي تۇرعىندارىن باسپانامەن قامتۋ جۇمىستارى الداعى ۋاقىتتا دا جالعاسىن تاباتىن بولادى.
