Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiia sý tasqynynan zardap shekken óńirlerdegi áielder men balalarǵa kómek kórsetý boiynsha belsendi jumys júrgizýde, dep habarlaidy Dalanews.kz.
Memleket basshysynyń tapsyrmasy boiynsha sý tasqynynan zardap shekken óńirlerde zardap shekkenderge ótemaqy tóleý, turǵyn úi salý, áleýmettik infraqurylymdy qalpyna keltirý jumystary júrip jatyr.
Úkimet tabiǵi apattan zardap shekken aimaqtardaǵy halyqtyń turmys-tirshiligi tezirek jaqsarýy úshin barlyq qajetti sharalardy qabyldaýda.
15 mamyrda Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiia músheleri Atyraý, Aqtóbe, Aqmola, Batys Qazaqstan, Soltústik Qazaqstan, Qaraǵandy, Qostanai, Pavlodar oblystaryna gýmanitarlyq kómek jetkizip, zardap shekken halyqpen kezdesedi.
Sý basqan aimaqtardan kóp sý aǵyp ketkenimen, ókinishke qarai, saldary áli de saqtalýda. Turǵyndardyń basym bóligi kóptegen dúniesinen aiyryldy. Tótenshe jaǵdai kezinde ásirese áielder men balalar qoldaý-kómekke muqtaj boldy. Sondyqtan dál qazir olar moraldyq-psihologiialyq qoldaýdy qajet etedi.
Ulttyq komissiia tóraǵasy Aida Balaeva bul jumystyń mańyzdylyǵyna toqtalyp ótip: «Otbasyna moraldyq-psihologiialyq jáne quqyqtyq qoldaý kórsetý maqsatynda Ulttyq komissiia músheleri men ákimdikter janyndaǵy Áielder isteri jáne otbasylyq-demografiialyq saiasat jónindegi óńirlik komissiialar áieldermen jáne olardyń otbasy múshelerimen kezdesýler uiymdastyrady. Bizdiń mindetimiz – barlyǵyn tyńdap, máselelerdi sheshýge kómektesý. Ulttyq komissiia halyqpen kezdesýler ótkizip, zardap shekken azamattardy qabyldaý úshin psihologtar men zańgerlerdi biriktirdi. Máselelerdi sheshýge barlyq ýákiletti memlekettik organdar tartylady.
Árbir ótinish másele túpkilikti sheshilgenge deiin baqylaýǵa alynady», – dep atap ótti.
Halyqpen kezdesýler ótkizý jáne azamattardy qabyldaý kestesi jasaldy. Kezdesýler 15-19 mamyr aralyǵynda ótedi. Múmkindigi shekteýli áielderge, kóp balaly analarǵa, tolyq emes otbasylarǵa, jalǵyzbasty azamattarǵa erekshe kóńil bólinedi.
Óńirlerdegi tótenshe jaǵdailar men olardyń saldary memlekettik resýrstardyń kúsh biriktirip, belsendi jumys isteýin talap etedi. Kómek jinaý jáne kómek kórsetý jumystaryna Astana, Almaty, Jambyl, Qyzylorda jáne Mańǵystaý oblystary ákimdikteri janyndaǵy óńirlik komissiialar, azamattyq sektor men biznes ókilderi belsendi qatysty.
Máselen, Ulttyq komissiia múshesi Lázzat Qojahmetova Qaraǵandy oblysy Shet aýdanyndaǵy sý tasqynynan zardap shekken Krasnaia Poliana aýylyna qurylys materialdary men azyq-túlik túrindegi gýmanitarlyq kómek jetkizýdi uiymdastyrýda.
Ulttyq komissiia múshesi Qojaly Toǵjan Shymkent qalasy ákiminiń janyndaǵy áielder isteri jónindegi komissiiamen birlesip Soltústik Qazaqstan oblysynyń zardap shekken turǵyndary úshin 20 tonna gýmanitarlyq kómek uiymdastyryp jetkizdi.
Jambyl oblysy ákimi janyndaǵy oblystyq komissiia Qostanai oblysyna azyq-túlik, áielder men balalarǵa arnalǵan kiim-keshek, tósek-oryn jabdyqtaryn jóneltedi.Pavlodar oblysy ákimi janyndaǵy óńirlik komissiia Qostanai oblysyna kiiz úiler, dári-dármek, balalarǵa arnalǵan kiimder men azyq-túlik jetkizedi.
Sonymen qatar, gýmanitarlyq kómektiń alǵashqy legi 10 mamyrda Almaty qalasy men Almaty oblysynan Atyraý oblysyna jóneltildi.
Ulttyq komissiianyń bul bastamasy zardap shekken áielder men balalarǵa jan-jaqty qoldaý kórsetip, osy qiyn ýaqytta birde-bir otbasy nazardan tys qalmaýyn qamtamasyz etedi.
