پرەزيدەنت جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا سۋ تاسقىنىنان زارداپ شەككەن ٶڭٸرلەردەگٸ ەيەلدەر مەن بالالارعا كٶمەك كٶرسەتۋ بويىنشا بەلسەندٸ جۇمىس جٷرگٸزۋدە, دەپ حابارلايدى Dalanews.kz.
مەملەكەت باسشىسىنىڭ تاپسىرماسى بويىنشا سۋ تاسقىنىنان زارداپ شەككەن ٶڭٸرلەردە زارداپ شەككەندەرگە ٶتەماقى تٶلەۋ, تۇرعىن ٷي سالۋ, ەلەۋمەتتٸك ينفراقۇرىلىمدى قالپىنا كەلتٸرۋ جۇمىستارى جٷرٸپ جاتىر.
ٷكٸمەت تابيعي اپاتتان زارداپ شەككەن ايماقتارداعى حالىقتىڭ تۇرمىس-تٸرشٸلٸگٸ تەزٸرەك جاقسارۋى ٷشٸن بارلىق قاجەتتٸ شارالاردى قابىلداۋدا.
15 مامىردا پرەزيدەنت جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا مٷشەلەرٸ اتىراۋ, اقتٶبە, اقمولا, باتىس قازاقستان, سولتٷستٸك قازاقستان, قاراعاندى, قوستاناي, پاۆلودار وبلىستارىنا گۋمانيتارلىق كٶمەك جەتكٸزٸپ, زارداپ شەككەن حالىقپەن كەزدەسەدٸ.
سۋ باسقان ايماقتاردان كٶپ سۋ اعىپ كەتكەنٸمەن, ٶكٸنٸشكە قاراي, سالدارى ەلٸ دە ساقتالۋدا. تۇرعىنداردىڭ باسىم بٶلٸگٸ كٶپتەگەن دٷنيەسٸنەن ايىرىلدى. تٶتەنشە جاعداي كەزٸندە ەسٸرەسە ەيەلدەر مەن بالالار قولداۋ-كٶمەككە مۇقتاج بولدى. سوندىقتان دەل قازٸر ولار مورالدىق-پسيحولوگييالىق قولداۋدى قاجەت ەتەدٸ.
ۇلتتىق كوميسسييا تٶراعاسى ايدا بالاەۆا بۇل جۇمىستىڭ ماڭىزدىلىعىنا توقتالىپ ٶتٸپ: «وتباسىنا مورالدىق-پسيحولوگييالىق جەنە قۇقىقتىق قولداۋ كٶرسەتۋ ماقساتىندا ۇلتتىق كوميسسييا مٷشەلەرٸ مەن ەكٸمدٸكتەر جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ٶڭٸرلٸك كوميسسييالار ەيەلدەرمەن جەنە ولاردىڭ وتباسى مٷشەلەرٸمەن كەزدەسۋلەر ۇيىمداستىرادى. بٸزدٸڭ مٸندەتٸمٸز – بارلىعىن تىڭداپ, مەسەلەلەردٸ شەشۋگە كٶمەكتەسۋ. ۇلتتىق كوميسسييا حالىقپەن كەزدەسۋلەر ٶتكٸزٸپ, زارداپ شەككەن ازاماتتاردى قابىلداۋ ٷشٸن پسيحولوگتار مەن زاڭگەرلەردٸ بٸرٸكتٸردٸ. مەسەلەلەردٸ شەشۋگە بارلىق ۋەكٸلەتتٸ مەملەكەتتٸك ورگاندار تارتىلادى.
ەربٸر ٶتٸنٸش مەسەلە تٷپكٸلٸكتٸ شەشٸلگەنگە دەيٸن باقىلاۋعا الىنادى», – دەپ اتاپ ٶتتٸ.
حالىقپەن كەزدەسۋلەر ٶتكٸزۋ جەنە ازاماتتاردى قابىلداۋ كەستەسٸ جاسالدى. كەزدەسۋلەر 15-19 مامىر ارالىعىندا ٶتەدٸ. مٷمكٸندٸگٸ شەكتەۋلٸ ەيەلدەرگە, كٶپ بالالى انالارعا, تولىق ەمەس وتباسىلارعا, جالعىزباستى ازاماتتارعا ەرەكشە كٶڭٸل بٶلٸنەدٸ.
ٶڭٸرلەردەگٸ تٶتەنشە جاعدايلار مەن ولاردىڭ سالدارى مەملەكەتتٸك رەسۋرستاردىڭ كٷش بٸرٸكتٸرٸپ, بەلسەندٸ جۇمىس ٸستەۋٸن تالاپ ەتەدٸ. كٶمەك جيناۋ جەنە كٶمەك كٶرسەتۋ جۇمىستارىنا استانا, الماتى, جامبىل, قىزىلوردا جەنە ماڭعىستاۋ وبلىستارى ەكٸمدٸكتەرٸ جانىنداعى ٶڭٸرلٸك كوميسسييالار, ازاماتتىق سەكتور مەن بيزنەس ٶكٸلدەرٸ بەلسەندٸ قاتىستى.
مەسەلەن, ۇلتتىق كوميسسييا مٷشەسٸ لەززات قوجاحمەتوۆا قاراعاندى وبلىسى شەت اۋدانىنداعى سۋ تاسقىنىنان زارداپ شەككەن كراسنايا پوليانا اۋىلىنا قۇرىلىس ماتەريالدارى مەن ازىق-تٷلٸك تٷرٸندەگٸ گۋمانيتارلىق كٶمەك جەتكٸزۋدٸ ۇيىمداستىرۋدا.
ۇلتتىق كوميسسييا مٷشەسٸ قوجالى توعجان شىمكەنت قالاسى ەكٸمٸنٸڭ جانىنداعى ەيەلدەر ٸستەرٸ جٶنٸندەگٸ كوميسسييامەن بٸرلەسٸپ سولتٷستٸك قازاقستان وبلىسىنىڭ زارداپ شەككەن تۇرعىندارى ٷشٸن 20 توننا گۋمانيتارلىق كٶمەك ۇيىمداستىرىپ جەتكٸزدٸ.
جامبىل وبلىسى ەكٸمٸ جانىنداعى وبلىستىق كوميسسييا قوستاناي وبلىسىنا ازىق-تٷلٸك, ەيەلدەر مەن بالالارعا ارنالعان كيٸم-كەشەك, تٶسەك-ورىن جابدىقتارىن جٶنەلتەدٸ.پاۆلودار وبلىسى ەكٸمٸ جانىنداعى ٶڭٸرلٸك كوميسسييا قوستاناي وبلىسىنا كيٸز ٷيلەر, دەرٸ-دەرمەك, بالالارعا ارنالعان كيٸمدەر مەن ازىق-تٷلٸك جەتكٸزەدٸ.
سونىمەن قاتار, گۋمانيتارلىق كٶمەكتٸڭ العاشقى لەگٸ 10 مامىردا الماتى قالاسى مەن الماتى وبلىسىنان اتىراۋ وبلىسىنا جٶنەلتٸلدٸ.
ۇلتتىق كوميسسييانىڭ بۇل باستاماسى زارداپ شەككەن ەيەلدەر مەن بالالارعا جان-جاقتى قولداۋ كٶرسەتٸپ, وسى قيىن ۋاقىتتا بٸردە-بٸر وتباسى نازاردان تىس قالماۋىن قامتاماسىز ەتەدٸ.
