Sý tasqynynan zardap shekken halyqqa eldiń belsendi azamattary da kómektesip jatyr.
Solardyń biri – memlekettik qyzmetshi, QR Densaýlyq saqtaý ministrliginiń apparat basshysy Batyrbek Ábdildin. Torǵai óńiriniń týmasy bir aýylda týyp-ósken azamattardyń, dostarynyń jáne kásipkerlerdiń basyn biriktirip, Qostanai oblysy Amangeldi aýdanyna, Torǵai óńirindegi basqa da sý basqan aýyldarǵa 40 tonnaǵa jýyq gýmanitarlyq kómek jóneltti.
«Qiyn jaǵdaiǵa tap bolǵan aǵaiynǵa kerek-jaraǵyn, azyq-túligin jetkizý isi aldaǵy ýaqytta da jalǵasady» deidi Batyrbek Sultanuly.
Sonymen qatar, Batyrbek Ábdildin qoǵamdyq negizde Astana qalalyq «Qazaq kúresi» federatsiiasyna jetekshilik etedi.
Ramazan aiynda federatsiia basshylyǵy «Elorda» qaiyrymdylyq qorymen birlesip, qarttar úiindegi qariialarǵa, balalar úiiniń tárbielenýshilerine, medrese shákirtterine birneshe márte aýyzashar berdi. Aýyzashar aiasynda muqtaj jandarǵa páter kiltteri tabystaldy.
Aita keteiik, 6 sáýirde Memleket basshysy Qasym-Jomart Toqaevtyń sý tasqyny saldarynan qalyptasqan aýyr jaǵdaiǵa bailanysty úndeý jasaǵan bolatyn.
Prezident mundai ahýal uzaq jyldan beri bolmaǵanyn, bul kólemi jaǵynan sońǵy 80 jyldan bergi eń iri tabiǵi apat ekenin aitqan bolatyn.
Sý tasqynyna bailanysty elimizdiń on aimaǵynda tótenshe jaǵdai jariialandy, iaǵni Abai, Aqmola, Aqtóbe, Atyraý, Batys Qazaqstan, Qaraǵandy, Qostanai, Pavlodar, Soltústik Qazaqstan jáne Ulytaý oblystarynda.
"Jaǵdai óte kúrdeli bolsa da, biz qiyndyqty mindetti túrde eńseremiz, barlyǵyn qalpyna keltiremiz. Eń bastysy – azamattardyń amandyǵy", - dedi prezident.
Qasym-Jomart Toqaev tasqyn sýdan zardap shekken azamattardyń memleket birde-bir adamdy eskerýsiz qaldyrmaitynyn, qarjylyq jáne basqa da kómek beriletinin aitty. Materialdyq shyǵyndar tolyq óteledi.
