Memleket basshysynyń tapsyrmasy boıynsha Úkimet sý tasqyny saldaryn joıý jáne zardap shekkenderdiń turǵyn qalpyna keltirý jumystaryn júrgizýde. 

Bıylǵy 6 qyrkúıektegi jaǵdaı boıynsha 7 393 otbasy zaqymdanǵan múlkiniń ornyna jańa úıler men páterlerge ıe boldy, onyń ishinde 5 313 nysan satyp alyndy, 2 080 úı salyndy.

Barlyq 9 147 ótinish berýshige jalpy somasy 53,5 mlrd teńgege turǵyn úıdi jóndeýge jáne qalpyna keltirýge ótemaqy berildi. Sonymen qatar 34 247 otbasyna 12 627,7 mln teńgege 100 AEK mólsherinde birjolǵy ótemaqy tólendi.

Birinshi qajettiliktegi joǵalǵan zattaryn satyp alý úshin 9 994 mln teńgege 21 880 otbasyna 150 AEK-ke deıingi kólemde qosymsha tólem berildi.