مەملەكەت باسشىسىنىڭ تاپسىرماسى بويىنشا ۇكىمەت سۋ تاسقىنى سالدارىن جويۋ جانە زارداپ شەككەندەردىڭ تۇرعىن قالپىنا كەلتىرۋ جۇمىستارىن جۇرگىزۋدە.
بيىلعى 6 قىركۇيەكتەگى جاعداي بويىنشا 7 393 وتباسى زاقىمدانعان مۇلكىنىڭ ورنىنا جاڭا ۇيلەر مەن پاتەرلەرگە يە بولدى، ونىڭ ىشىندە 5 313 نىسان ساتىپ الىندى، 2 080 ءۇي سالىندى.
بارلىق 9 147 ءوتىنىش بەرۋشىگە جالپى سوماسى 53،5 ملرد تەڭگەگە تۇرعىن ءۇيدى جوندەۋگە جانە قالپىنا كەلتىرۋگە وتەماقى بەرىلدى. سونىمەن قاتار 34 247 وتباسىنا 12 627،7 ملن تەڭگەگە 100 اەك مولشەرىندە ءبىرجولعى وتەماقى تولەندى.
ءبىرىنشى قاجەتتىلىكتەگى جوعالعان زاتتارىن ساتىپ الۋ ءۇشىن 9 994 ملن تەڭگەگە 21 880 وتباسىنا 150 اەك-كە دەيىنگى كولەمدە قوسىمشا تولەم بەرىلدى.
