Qazirgi ýaqytta ýaqytsha ornalastyrý pýnktterinde 7 myńnan asa adam ornalastyrylǵan, - dep habarlaidy Dalanews.kz.
Azamattyq qorǵaý qyzmetteri 88 myńǵa jýyq adamdy, sonyń ishinde 30 myńǵa jýyq balany qutqardy. Qazirgi ýaqytta ýaqytsha ornalastyrý pýnktterinde 7 myńnan asa adam, onyń ishinde 3 700 bala ornalastyrylǵan. 4 800 adam óz úilerine oraldy. 82 315 mal qaýipsiz jerge aidaldy.
"Avariialyq-qutqarý jumystaryna 23 myńnan asa adam jáne 2500-ge jýyq tehnika, 448 sý sorý jáne 131 sýda júzý tehnikasy men 6 áýe kemesi jumyldyryldy.
Sońǵy táýlikte jeke quramnyń 525 adamy men 100-ge jýyq tehnikasy jumyldyrylǵan TJM kúshteri men quraldary Almaty qalasynan, Qaraǵandy, Pavlodar jáne Ulytaý oblysynan, sondai-aq, Astana qalasyndaǵy Qorǵanys ministrliginiń 58665 áskeri bólimi Soltústik Qazaqstan oblysyna jiberildi", - dedi QR TJM Azamattyq qorǵanys jáne áskeri bólimder komitetiniń aǵa ofitseri Erasyl Saipash OKQ alańynda ótken brifingte.
Aqtóbe oblysy men Qostanai qalasyna Qyrǵyz Respýblikasynan gýmanitarlyq kómek kelip jetti. Qalǵan fýralar Atyraý jáne Batys Qazaqstan oblystaryna bara jatyr.
"TJM azamattardy asa muqiiat bolýǵa, sý tasqyny kezeńinde qaýipsizdik sharalaryn múltiksiz saqtaýǵa, úilerden jáne evakýatsiialyq pýnktterden tiisti ruqsatsyz ketpeýge shaqyrady", - dedi ol
