Tsifrlyq damý ministrligi Astanada josparlanǵan Digital Bridge 2024 halyqaralyq IT-forýmyn ótkizýden bas tartty, dep habarlaidy Dalanews.kz.
Vedomstvo mundai sheshimdi prezidenttiń tiisti tapsyrmasynan keiin qabyldaǵan.
"Memleket basshysy Qasym-Jomart Toqaevtyń elimizdegi sý tasqyny jaǵdaiyna bailanysty iri is-sharalardan bas tartý týraly tapsyrmasyna sáikes Digital Bridge 2024 halyqaralyq IT-forýmyn ótkizbeý týraly sheshim qabyldandy. Forým Astanada osy jyldyń 5-7 qyrkúiegine josparlanǵan bolatyn", - delingen habarlamada.
Ministrlik biylǵy sý tasqyny Qazaqstandaǵy sońǵy 80 jyldaǵy eń iri tabiǵi apat bolǵanyn eske saldy.
"Osyǵan bailanysty aýqymdy qiratýlardyń saldaryn joiý jáne el azamattaryna kómek kórsetý úshin qarajatty únemdeý maqsatynda prezident úkimetke josparlanǵan imidjdik jáne basqa da iri is-sharalardy ótkizýden bas tartýdy tapsyrdy", - dep túsindirdi vedomstvodaǵylar.
2018 jyly bastalǵan Digital Bridge halyqaralyq forýmy biyl altynshy ret ótýge tiis edi. Forým IT-indýstriianyń sońǵy tendentsiialary men damý perspektivalaryn talqylaýǵa arnalǵan Ortalyq Aziiadaǵy eń iri alań boldy.
Eske salaiyq, 2020 jyly halyqaralyq is-shara COVID-19 pandemiiasyna bailanysty ótkizilgen joq.
Digital Bridge uiymdastyrýshylary – QR tsifrlyq damý, innovatsiialar jáne aeroǵarysh ónerkásibi ministrligi men Astana Hub halyqaralyq tehnoparki forýmǵa qatysýǵa niet bildirgen barsha janǵa alǵys bildirdi.
Ministrliktiń aqparatynsha, Digital Bridge halyqaralyq IT-forýmy óz jumysyn 2025 jyly qaita bastaidy.
