Jambyl oblysynyń Shý qalasynda aýrýhana aýmaǵyndaǵy káriz qudyǵyna túsken eki qyzmetker kóz jumdy, dep habarlaidy dalanews.kz.
Kýágerlerdiń aitýynsha, káriz júiesin jóndeýge túsken santehnik qudyq ishinde ózin jaisyz sezinip, kómek shaqyrǵan. Onyń daýysyn estigen zerthana qyzmetkeri áriptesin qutqarý úshin shamamen úsh metr tereńdiktegi qudyqqa túsken. Alaida ol da ýly gazǵa ýlanyp, esinen tanyp qalǵan.
Keiin kómekke umtylǵan úshinshi qyzmetker de qudyqqa túsip, syrtqa shyǵa almai qalǵan.
Oqiǵa saldarynan eki adam qaza taýyp, bir qyzmetker ǵana aman qalǵan. Qazirgi ýaqytta ol dárigerlerdiń baqylaýynda.
Atalǵan derek boiynsha politsiia qylmystyq is qozǵap, oqiǵanyń mán-jaiyn anyqtap jatyr.
