جامبىل وبلىسىنىڭ شۋ قالاسىندا اۋرۋحانا اۋماعىنداعى كەرٸز قۇدىعىنا تٷسكەن ەكٸ قىزمەتكەر كٶز جۇمدى, دەپ حابارلايدى dalanews.kz.
كۋەگەرلەردٸڭ ايتۋىنشا, كەرٸز جٷيەسٸن جٶندەۋگە تٷسكەن سانتەحنيك قۇدىق ٸشٸندە ٶزٸن جايسىز سەزٸنٸپ, كٶمەك شاقىرعان. ونىڭ داۋىسىن ەستٸگەن زەرتحانا قىزمەتكەرٸ ەرٸپتەسٸن قۇتقارۋ ٷشٸن شامامەن ٷش مەتر تەرەڭدٸكتەگٸ قۇدىققا تٷسكەن. الايدا ول دا ۋلى گازعا ۋلانىپ, ەسٸنەن تانىپ قالعان.
كەيٸن كٶمەككە ۇمتىلعان ٷشٸنشٸ قىزمەتكەر دە قۇدىققا تٷسٸپ, سىرتقا شىعا الماي قالعان.
وقيعا سالدارىنان ەكٸ ادام قازا تاۋىپ, بٸر قىزمەتكەر عانا امان قالعان. قازٸرگٸ ۋاقىتتا ول دەرٸگەرلەردٸڭ باقىلاۋىندا.
اتالعان دەرەك بويىنشا پوليتسييا قىلمىستىق ٸس قوزعاپ, وقيعانىڭ مەن-جايىن انىقتاپ جاتىر.
