Ál-Farabi atyndaǵy Qazaq ulttyq ýniversitetinde Qazaqstan Prezidenti Qasym-Jomart Kemeluly Toqaevtyń tapsyrmasyna sáikes, bilim alýshy jastarǵa kórsetilip jatqan memlekettik qoldaý sharalaryn túsindirý maqsatynda «Qazaqstannyń jastary – jasampaz» atty belsendi jastar jiyny ótti.
Erkin formatta ótken is-sharaǵa jastar uiymdarynyń kóshbasshylary, sheteldik stýdentter, jas ǵalymdar jáne qoǵam ómirine belsendi atsalysyp júrgen volonterlar jinaldy.
Ál-Farabi atyndaǵy QazUÝ-dyń Basqarma Tóraǵasy – Rektor Janseiit Túimebaev ýniversitettik ǵylym stýdentterden bastaý alý kerektigin atap ótip, memleket jáne bilim ordasy tarapynan jastarǵa árdaiym qoldaý kórsetiletinin atap ótti. Sondai-aq oqý ornynyń bedeli bilimge umtylǵan izdenimpaz jastar arqyly kóteriletinin jetkizip, tehnologiia damyǵan ýaqytta jastardyń ǵylymǵa jańasha bet buryp, tyń innovatsiialyq jobalardy iske asyrýy qajettigin jetkizdi.
«Memleket basshysy Qasym-Jomart Toqaev: «Biz jurttan kósh ilgeri júretin el bolamyz. Úirenetin de, úiretetin de ult bolamyz. Jastar barlyq ózgeristiń bastaýynda turady. Bul ózgerister ádiletti Qazaqstandy qurý, zań men tártipti qamtamasyz etý tujyrymdamasyna negizdelgen», – dep atap ótti. Bizdiń QazUÝ jastary da jasampazdyq tanytyp, tyń ideialar men igi isterdiń bastamashysy bolaryna kámil senemin», – dedi J.Túimebaev.
Kezdesý barysynda belsendi jastar men sheteldik stýdentter sóz sóilep, óz pikirleri men usynystaryn ortaǵa saldy.
«8 aqpan kúni Astana qalasynda Memleket basshysy Qasym-Jomart Kemeluly Toqaevtyń qatysýymen «Jańa adamdar» atty jastar forýmy ótti. Sol sharaǵa ýniversitet atynan qatysyp, qazirgi tańdaǵy asa ózekti áleýmettik máselelermen jumys júrgizip jatqan zamandastarymmen tanysyp qaittym. Forýmda vandalizmmen, ruqsat etilmegen jerge qoqys tógýshilermen, kámeletke tolmaǵan balalarǵa ishimdik satýshylarmen, esirtki taratýshylarmen kúres máseleleri qozǵaldy. Zań men tártip ústemdigin ornatýdyń mańyzdylyǵy talqylandy. «Taza Qazaqstan» ekologiialyq aktsiiasynyń ideologiialyq máni túsindirildi. Búgin forýmnan alǵan áserimmen sizdermen bólise otyryp, aldaǵy ýaqytta osy túitkilderdi birge sheshýge shaqyramyn», – dedi Prezident stipendiiasynyń iegeri, «Jastar rýhy» jastar qanaty uiymynyń tóraiymy Áigerim Esimhan.
«Ál-Farabi atyndaǵy QazUÝ-da bilim alý men úshin mártebe. Men munda óz bilimimdi jetildirip júrmin. Buiyrtsa, bilikti dárigerler qataryn tolyqtyryp, halyqqa adal qyzmet etetin bolamyn», – dedi sheteldik stýdent Nasbolla Faizi.
Búginde QazUÝ-da 54 memleketten kelgen 4 myńǵa jýyq stýdent bilim alýda. Kezdesýde rektor sheteldik stýdentterdiń belsendiligin arttyrýdy tapsyryp, jas ǵalymdardyń startap-jobalary men kreativti bastamalardy damytý men qoldaýǵa daiyn ekenin jetkizdi.
Ál-Farabi atyndaǵy QazUÝ-dyń Baspasóz qyzmeti
