Qazaqstanda endi strategıalyq ınvestorlar paıdaly qazbalardy zertteý jáne óndirý kezinde aýksıonsyz basym quqyqqa ıe bolady. Sonymen qatar salany retteý kúsheıtiledi, dep habarlaıdy Dalanews.kz.
Bul túzetýler "Jer qoınaýy jáne jer qoınaýyn paıdalaný týraly" zańǵa engizildi. Senat depýtattary zań jobasyn eki oqylymda maquldady.
Senat depýtaty Saǵyndyq Luqpanov zań jobasyn tanystyra otyryp, birtutas Jer qoınaýyn paıdalaný platformasy salanyń negizgi sıfrlyq ınfraqurylymy retinde jumys isteıtinin aıtty.
Zańǵa engizilgen túzetýlerge sáıkes:
- Jer qoınaýyn paıdalaný birtutas sıfrlyq platforma arqyly baqylanady jáne janarmaı-energetıka keshenin basqarý júıesimen ıntegrasıalanady.
- Ulttyq geologıalyq qyzmet platformany jáne derekterdi basqarý operatoryna aınalady.
- Jer qoınaýyn paıdalanýda ishki eldik qundylyq úlesi 50%-dan 70%-ǵa deıin arttyryldy.
- Strategıalyq ınvestorlarǵa qatty paıdaly qazbalardy zertteý men óndirýde basym quqyq beriledi.
- İri jobalar úshin mınımaldy ınvestısıa – 14,5 mln MRP, qaıta óńdeý jobalaryna arnalǵan ınvestısıalyq jeńildikter keńeıtildi.
- Jalǵan esep berý jáne talaptardy buzý jaǵdaıynda jaýapkershilik kúsheıtildi.
Ónerkásip jáne qurylys vıse-mınıstri Iran Sharhan zańnyń ekologıalyq jáne ekonomıkalyq máselelerdi sheshýge baǵyttalǵanyn atap ótti. Ol, sonymen qatar, elde qatty paıdaly qazbalardy paıdalanatyn shamamen 3 500 sýbekt bar ekenin aıtty.
