Almatyda jańa oqý jyly qarsańynda «Bolashaq bilim berý: adal azamat – bilikti maman» atty dástúrli tamyz konferentsiiasy ótti,- dep habarlaidy Dalanews.kz
Jiynǵa pedagogtar, Singapýr, AQSh jáne ózge elderden kelgen halyqaralyq sarapshylar qatysty. Qurmetti qonaqtar arasynda Qazaqstan Respýblikasynyń Oqý-aǵartý ministri Ǵani Beisembaev, Ǵylym jáne joǵary bilim ministri Saiasat Nurbek boldy. Konferentsiianyń arnaiy qonaǵy – «Qazaqstannyń Eńbek Eri», «Otan» ordeniniń iegeri, belgili ustaz, Qazaqstannyń eńbek sińirgen qairatkeri Aiagúl Mirazova.
Almaty ákimi Darhan Satybaldy konferentsiiaǵa qatysýshylar men pedagogtardy jańa oqý jylymen quttyqtady.
«Memleket basshysynyń bastamasymen 2025 jyl Jumysshy mamandyqtary jyly bolyp jariialandy. Osy baǵytta aýqymdy jumys qolǵa alyndy. Almatyda kolledjderdiń materialdyq-tehnikalyq bazasy 2,6 mlrd teńgege jańartylyp, WorldSkills standarty boiynsha 14 quzyret ortalyǵy ashyldy, jyl sońyna deiin taǵy 4 ortalyq iske qosylady. Sonymen birge «Keleshek mektepteri» ulttyq jobasy júzege asyrylyp otyr: 35 myń orynǵa arnalǵan 21 jańa mektep salynyp, 15 bilim berý mekemesine kúrdeli jóndeý júrgizilip jatyr. Búginde qala mektepterinde 350 myńnan astam oqýshy oqidy, olardyń sany jyl saiyn orta eseppen 12–14 myńǵa artyp otyr», – dedi qala ákimi.
Saltanatty bólimde «Bilim berý isiniń qurmetti qyzmetkeri» tósbelgileri, ministrlik pen Almaty ákimdiginiń alǵys hattary tabys etildi. Sondai-aq, Almaty ákimdigi taǵaiyndaǵan «Úzdik bilim berý uiymy – 2025» arnaiy syilyǵy berildi. Bul marapat №79 gimnaziiaǵa buiyrdy.
Konferentsiia aiasynda ótken plenarlyq otyrysta bolashaqtaǵy kásibi bilim berý jáne jańa ekonomikaǵa qajetti maman daiarlaý, bilim berý úderisine STEM/STEAM tásilderin engizý, oqýshylardyń qaýipsizdigi men psihoemotsiialyq densaýlyǵy, inkliýzivti bilim men toleranttylyqty damytý máseleleri talqylandy.
Is-shara qazaqstandyq estrada juldyzdarynyń kontsertimen túiindeldi.
