"Stambuldy betke alǵan". Qyrǵyzstannyń eks-prezidenti elden ketip qaldy
Ol ózimen birge otbasyn da ala ketken. Aqparatty burynǵy prezidenttiń ainalasyndaǵy adamdar rastaǵan.
"Jienbekov kúni keshe "Manas" áýejaiynan Stambuldy betke alyp, ushyp ketti", – delingen habarlamada.
Osynyń aldynda Jienbekovti eks-vitse premer Dúisenbei Zilalievtyń isine qatysty jaýap alý úshin Bishkektiń Birinshi mai aýdandyq sotyna shaqyrǵan.
"Budan bólek qazan aiyndaǵy oqiǵalardyń ortasynda júrgen azamattar Jienbekovti qylmystyq jaýapkershilikke tartý maqsatynda Ishki ister ministrligi men Qaýipsizdik komitetine aryz túsirgen. Olar eks-prezidenttiń 5 qazandaǵy narazylyqty kúshpen basý týraly buiryq bererelik quqy joq edi dep esepteidi", – dep jazady 24KG.
Eske salaiyq, ótken jyldyń 4 qazanynda Qyrǵyzstanda parlament sailaýy ótti. Kópshilik saiasi naýqannyń ádiletsiz ótkenin aityp, alańǵa shyqty. Elde jappai tártipsizdik bastalyp, munyń aqyry Jienbekovtyń taqtan taiýymen aiaqtaldy. Onyń ornyna osyǵan deiin 11 jyldyq túrme jazasyn ótep kelgen Sadyr Japarov otyrdy. Elde Joǵary Keńestiń sailaýy ekinshi qaitara ótedi dep kútilip otyr. 10 qańtarda merziminen buryn ótken prezident sailaýynda Japarov jeńiske jetti. Ony ulyqtaý rásimi 28 qańtarda uiymdastyryldy.
