ول وزىمەن بىرگە وتباسىن دا الا كەتكەن. اقپاراتتى بۇرىنعى پرەزيدەنتتىڭ اينالاسىنداعى ادامدار راستاعان.
"جيەنبەكوۆ كۇنى كەشە "ماناس" اۋەجايىنان ستامبۇلدى بەتكە الىپ، ۇشىپ كەتتى"، – دەلىنگەن حابارلامادا.
وسىنىڭ الدىندا جيەنبەكوۆتى ەكس-ۆيسە پرەمەر دۇيسەنبەي زيلالييەۆتىڭ ىسىنە قاتىستى جاۋاپ الۋ ءۇشىن بىشكەكتىڭ ءبىرىنشى ماي اۋداندىق سوتىنا شاقىرعان.
"بۇدان بولەك قازان ايىنداعى وقيعالاردىڭ ورتاسىندا جۇرگەن ازاماتتار جيەنبەكوۆتى قىلمىستىق جاۋاپكەرشىلىككە تارتۋ ماقساتىندا ىشكى ىستەر مينيسترلىگى مەن قاۋىپسىزدىك كوميتەتىنە ارىز تۇسىرگەن. ولار ەكس-پرەزيدەنتتىڭ 5 قازانداعى نارازىلىقتى كۇشپەن باسۋ تۋرالى بۇيرىق بەرەرەلىك قۇقى جوق ەدى دەپ ەسەپتەيدى"، – دەپ جازادى 24KG.
ەسكە سالايىق، وتكەن جىلدىڭ 4 قازانىندا قىرعىزستاندا پارلامەنت سايلاۋى ءوتتى. كوپشىلىك ساياسي ناۋقاننىڭ ادىلەتسىز وتكەنىن ايتىپ، الاڭعا شىقتى. ەلدە جاپپاي تارتىپسىزدىك باستالىپ، مۇنىڭ اقىرى جيەنبەكوۆتىڭ تاقتان تايۋىمەن اياقتالدى. ونىڭ ورنىنا وسىعان دەيىن 11 جىلدىق تۇرمە جازاسىن وتەپ كەلگەن سادىر جاپاروۆ وتىردى. ەلدە جوعارى كەڭەستىڭ سايلاۋى ەكىنشى قايتارا وتەدى دەپ كۇتىلىپ وتىر. 10 قاڭتاردا مەرزىمىنەن بۇرىن وتكەن پرەزيدەنت سايلاۋىندا جاپاروۆ جەڭىسكە جەتتى. ونى ۇلىقتاۋ ءراسىمى 28 قاڭتاردا ۇيىمداستىرىلدى.
