Shymkentte stalking jasaǵan eki kúdikti qamaýǵa alyndy, dep habarlaidy Dalanews.kz.
Eki jaǵdaida da kúdiktiler jábirlenýshilermen buryn tanys bolǵan. Alǵashqy oqiǵada qala turǵyny politsiiaǵa buryn qarym-qatynasta bolǵan er adamǵa bailanysty aryzdanǵan. Qarym-qatynas toqtaǵanyna qaramastan, kúdikti áieldi mazalaýyn jalǵastyrǵan: túrli nómirlerden qońyraý shalyp, habarlamalar jazǵan, úiine jáne jumys ornyna baryp, tynyshtyǵyn buzǵan. Jábirlenýshi onymen bailanysyn tolyq úzip, áleýmettik jelilerde buǵattap, kezdesýden qashqanymen, qýdalaý toqtamaǵan. Kúdikti jedel ustalyp, qamaýǵa alyndy.
Ekinshi jaǵdaida stalking fizikalyq kúsh qoldanýǵa ulasyp, jábirlenýshi politsiiaǵa júgingen. Bul jait boiynsha stalking jáne uryp-soǵý baptarymen qylmystyq is qozǵalyp, kúdikti qamaýǵa alyndy. Qylmystyq ister táýlik ishinde sotqa joldanǵan.
Aita keteiik, 5 aqpanda ishki ister ministri Erjan Sádenov Shymkent Politsiia departamentinde kóshpeli keńes ótkizdi. IIM basshysy stalkingke qarsy is-qimyl máselesine arnaiy toqtaldy. Biryńǵai áreket etý algoritmin ázirleý, tergeýshilerdi mundai qylmystardy tergeý tájiribesi boiynsha oqytý, formalizmge jol bermeý tapsyryldy. Qysym kórsetý, qorqytý jáne qýdalaý der kezinde anyqtalyp, ýaqtyly quqyqtyq baǵa berilýi qajet ekeni basa aityldy.
