Soltústik Qazaqstan oblysynyń mektepterine 360 million teńgege tartylǵan internet tehnikalyq talaptarǵa sai bolmaǵan. Bul týraly oblystyq prokýratýra málimdedi, dep habarlaidy Dalanews.kz.
“Aiyrtaý, Aqjar, Esil, Mamliýt, Taiynsha, Ýálihanov, Ǵabit Músirepov jáne Shal aqyn aýdandarynyń bilim bólimderiniń laýazymdy tulǵalary mektepterdi internetke qosý boiynsha kelisimsharttardy Biýdjet kodeksi men memlekettik satyp alý qaǵidalaryn buza otyryp jasaǵan”, – delingen prokýratýra málimdemesinde.
Máselen, Aqjar aýdanyndaǵy Gorkii orta mektebiniń muǵalimderi internettiń óte baiaý jumys isteýinen sharshap, óz qarajattaryna jeke roýter ornatyp, ai saiynǵy tólemin de ózderi ótep kelgen.
Qadaǵalaýshy organ kinálilerdiń tártiptik jaýapkershilikke tartylýyna qol jetkizgen, alaida naqty qandai jaza qoldanylǵany aitylmaidy. Búginde kórsetiletin qyzmetterdiń qunyn tómendetýge qatysty qosymsha kelisimder jasalyp, nátijesinde biýdjet qarjysyn orynsyz jumsaýdyń aldyn alýǵa múmkindik týǵan. Únemdelgen soma — 75,8 million teńge.
