سولتٷستٸك قازاقستان وبلىسىنىڭ مەكتەپتەرٸنە 360 ميلليون تەڭگەگە تارتىلعان ينتەرنەت تەحنيكالىق تالاپتارعا ساي بولماعان. بۇل تۋرالى وبلىستىق پروكۋراتۋرا مەلٸمدەدٸ, دەپ حابارلايدى Dalanews.kz.
“ايىرتاۋ, اقجار, ەسٸل, مامليۋت, تايىنشا, ۋەليحانوۆ, عابيت مٷسٸرەپوۆ جەنە شال اقىن اۋداندارىنىڭ بٸلٸم بٶلٸمدەرٸنٸڭ لاۋازىمدى تۇلعالارى مەكتەپتەردٸ ينتەرنەتكە قوسۋ بويىنشا كەلٸسٸمشارتتاردى بيۋدجەت كودەكسٸ مەن مەملەكەتتٸك ساتىپ الۋ قاعيدالارىن بۇزا وتىرىپ جاساعان”, – دەلٸنگەن پروكۋراتۋرا مەلٸمدەمەسٸندە.
مەسەلەن, اقجار اۋدانىنداعى گوركيي ورتا مەكتەبٸنٸڭ مۇعالٸمدەرٸ ينتەرنەتتٸڭ ٶتە باياۋ جۇمىس ٸستەۋٸنەن شارشاپ, ٶز قاراجاتتارىنا جەكە روۋتەر ورناتىپ, اي سايىنعى تٶلەمٸن دە ٶزدەرٸ ٶتەپ كەلگەن.
قاداعالاۋشى ورگان كٸنەلٸلەردٸڭ تەرتٸپتٸك جاۋاپكەرشٸلٸككە تارتىلۋىنا قول جەتكٸزگەن, الايدا ناقتى قانداي جازا قولدانىلعانى ايتىلمايدى. بٷگٸندە كٶرسەتٸلەتٸن قىزمەتتەردٸڭ قۇنىن تٶمەندەتۋگە قاتىستى قوسىمشا كەلٸسٸمدەر جاسالىپ, نەتيجەسٸندە بيۋدجەت قارجىسىن ورىنسىز جۇمساۋدىڭ الدىن الۋعا مٷمكٸندٸك تۋعان. ٷنەمدەلگەن سوما — 75,8 ميلليون تەڭگە.
