SQO kásipkerlik jáne indýstriialy-innovatsiialyq basqarmasy bul ýaqytsha másele ekenin, jaqynda óńirge suiyq otyn jetkilikti deńgeide ákelinip, jaǵdai qalypqa túsetinin habarlaidy.
"Qazirgi ýaqytta SQO-da AI-95 markaly benzinniń 17 kúnge jetetin qory bar. Onyń 1 litriniń baǵasy — 262 -279 teńge. Ol Qazaq Oil, Helios jáne Shelf kompaniialarynyń janar-jaǵarmai beketterinde benzin esh kedergisiz satylyp jatyr. Al Petropavldaǵy "Etalon Avto" jelisiniń úsh beketinde benzin tek talon jáne arnaiy kartamen ǵana quiylýda. Qajetti benzin jolda. Mundai jaǵdai "Trassa" jelisiniń beketterinde de tirkelgen. Bul kompaniia jetkizý týraly kelisimge otyrysymen-aq másele sheshiledi", — dedi basqarma basshysy Darhan Ámrin.
Qazir óńirde AI-92 benzininiń 11 kúndik qory bar, ol 218-225 teńge aralyǵynda satylyp jatyr.
"Alańdaýǵa negiz joq. Oblysta janar-jaǵarmai qoryna monitoring jasaý jáne qajetti kólemdi ýaqtyly bólý maqsatynda jedel shtab jumys isteidi. Onyń quramyna oblys ákiminiń orynbasary jáne jergilikti atqarýshy organdardyń basshylary kiredi. Qajet bolǵan jaǵdaida, másele ortalyq memlekettik organdarmen birlesip qaralady", — dedi Darhan Ámrin.
Búgingi tańda SQO aýmaǵynda 114 janar-jaǵarmai quiý stantsiiasy jumys isteidi. Onyń 39-y — Petropavlda, 75-i - aýdandarda, onyń ishinde 24 shaǵyn beket aýyldyq jerlerde ornalasqan.
Buǵan deiin Energetika ministrligi AI-95 markaly benzin jaǵdaiyna qatysty málimdeme jasaǵan bolatyn. "Suranystyń maýsymdyq artýy – shtattyq jáne aldyn ala boljanǵan jaǵdai. Úkimet bul protsesti tolyq baqylaýda ustap otyr. Men naryqtyń barlyq qatysýshylarynan otynnyń úzdiksiz jetkizilýin qamtamasyz etýdi jáne alypsatarlyq áreketterdi boldyrmaýdy talap etemin. Azamattar úshin benzin tapshylyǵy bolmaidy. Bul másele – Úkimettiń tikelei baqylaýynda", – dedi Energetika ministri.
Sondai-aq saitymyzda "Qymbatshylyqqa urynǵan reseilikter Qazaqstanǵa lap qoidy. Kóp rýbldi qaitemiz?.." degen maqala da jariialanǵan bolatyn.
