Soltústik Qazaqstan oblysynyń bir aýdandyq avtomektebinde 155 adamnyń meditsinalyq tekserýden ótpei-aq sabaqqa qatysqany jáne júrgizýge qarsy kórsetilimderi bar adamdardy oqytý faktileri anyqtaldy, dep habarlaidy Dalanews.kz.
"Oblystyń bir aýdandyq avtomektebinde 155 adamǵa meditsinalyq tekserýden ótpei oqýǵa ruqsat berilgen, sondai-aq júrgizýge qarsy kórsetilimderi bar adamdardyń da oqytylǵany anyqtaldy", – delingen habarlamada.
Petropavl qalasynda bir avtomekteptiń 579 túleginiń ár besinshisi 2024–2025 jyldary jol erejelerin buzǵan.
Taǵy bir avtomekteptegi 714 túlektiń ár onynshysy ártúrli buzýshylyqtar boiynsha birneshe ret ákimshilik jaýapkershilikke tartylǵan, onyń ishinde jyldamdyqty asyrý, aqaýly kólikti basqarý jáne rýlde telefon qoldaný siiaqty buzýshylyqtar bar. Bir túlegi bir jyl ishinde 13 ret aiyppul tólep, jol-kólik oqiǵasynyń qatysýshysyna ainalǵan.
Prokýratýralyq tekseris nátijesinde kináliler jaýapkershilikke tartylyp, anyqtalǵan buzýshylyqtar joiyldy.
