Солтүстік Қазақстан облысының бір аудандық автомектебінде 155 адамның медициналық тексеруден өтпей-ақ сабаққа қатысқаны және жүргізуге қарсы көрсетілімдері бар адамдарды оқыту фактілері анықталды, деп хабарлайды Dalanews.kz.

"Облыстың бір аудандық автомектебінде 155 адамға медициналық тексеруден өтпей оқуға рұқсат берілген, сондай-ақ жүргізуге қарсы көрсетілімдері бар адамдардың да оқытылғаны анықталды", – делінген хабарламада.

Петропавл қаласында бір автомектептің 579 түлегінің әр бесіншісі 2024–2025 жылдары жол ережелерін бұзған.

Тағы бір автомектептегі 714 түлектің әр оныншысы әртүрлі бұзушылықтар бойынша бірнеше рет әкімшілік жауапкершілікке тартылған, оның ішінде жылдамдықты асыру, ақаулы көлікті басқару және рулде телефон қолдану сияқты бұзушылықтар бар. Бір түлегі бір жыл ішінде 13 рет айыппұл төлеп, жол-көлік оқиғасының қатысушысына айналған.

Прокуратуралық тексеріс нәтижесінде кінәлілер жауапкершілікке тартылып, анықталған бұзушылықтар жойылды.