سولتۇستىك قازاقستان وبلىسىنىڭ ءبىر اۋداندىق اۆتومەكتەبىندە 155 ادامنىڭ مەديسينالىق تەكسەرۋدەن وتپەي-اق ساباققا قاتىسقانى جانە جۇرگىزۋگە قارسى كورسەتىلىمدەرى بار ادامداردى وقىتۋ فاكتىلەرى انىقتالدى، دەپ حابارلايدى Dalanews.kz.
"وبلىستىڭ ءبىر اۋداندىق اۆتومەكتەبىندە 155 ادامعا مەديسينالىق تەكسەرۋدەن وتپەي وقۋعا رۇقسات بەرىلگەن، سونداي-اق جۇرگىزۋگە قارسى كورسەتىلىمدەرى بار ادامداردىڭ دا وقىتىلعانى انىقتالدى"، – دەلىنگەن حابارلامادا.
پەتروپاۆل قالاسىندا ءبىر اۆتومەكتەپتىڭ 579 تۇلەگىنىڭ ءار بەسىنشىسى 2024–2025 جىلدارى جول ەرەجەلەرىن بۇزعان.
تاعى ءبىر اۆتومەكتەپتەگى 714 تۇلەكتىڭ ءار ونىنشىسى ءارتۇرلى بۇزۋشىلىقتار بويىنشا بىرنەشە رەت اكىمشىلىك جاۋاپكەرشىلىككە تارتىلعان، ونىڭ ىشىندە جىلدامدىقتى اسىرۋ، اقاۋلى كولىكتى باسقارۋ جانە رۋلدە تەلەفون قولدانۋ سياقتى بۇزۋشىلىقتار بار. ءبىر تۇلەگى ءبىر جىل ىشىندە 13 رەت ايىپپۇل تولەپ، جول-كولىك وقيعاسىنىڭ قاتىسۋشىسىنا اينالعان.
پروكۋراتۋرالىق تەكسەرىس ناتيجەسىندە كىنالىلەر جاۋاپكەرشىلىككە تارتىلىپ، انىقتالعان بۇزۋشىلىقتار جويىلدى.
