Shyǵys Qazaqstan oblysynda jol qozǵalysy erejesin óreskel buzǵan azamattar jaýapqa tartyldy, dep habarlaidy dalanews.kz.
Áleýmettik jelide júrip kele jatqan kóliktiń terezesinen denesin shyǵarǵan jolaýshylardyń beinejazbasy taraǵan. Qaýipti áreket politsiia qyzmetkerleriniń nazarynan tys qalmady.
Tártip saqshylary beinejazbadaǵy azamattardy anyqtady. Nátijesinde kólik júrgizýshileri de, jol ústinde óz ómirine qaýip tóndirgen jolaýshylar da ákimshilik jaýapkershilikke tartyldy.
