Shyǵys Qazaqstan oblysynda shetelge barmaq bolǵan turǵyndar alaiaqqa aldanyp, 20 mln teńgesinen aiyrylǵan, dep habarlaidy dalanews.kz.
Óńir turǵyny Travel the world týristik firmasyn quryp, áleýmettik jelide BAÁ, Egipet pen Túrkiiaǵa erte brondaý baǵdarlamasy boiynsha tiimdi baǵamen týristik joldamalar satylatyny týraly jarnama jariialaǵan.
Ol alaiaqtyq jolmen 13 jábirlenýshiden jalpy somasy 20 mln teńge alǵan.
Sot ony asa iri mólsherde jasalǵan alaiaqtyq úshin kináli dep tanyp, 5 jylǵa bas bostandyǵynan aiyrý jazasyn taǵaiyndaǵan. Apelliatsiialyq satydaǵy sot "Raqymshylyq jasaý týraly" zańdy qoldanyp, jazany 4 jylǵa deiin qysqartqan.
Sot aktisiniń zańdylyǵyn tekserý barysynda raqymshylyq zańy durys qoldanylmaǵany anyqtalǵan. Prokýrordyń kassatsiialyq narazylyǵy boiynsha jaza merzimi 5 jylǵa ulǵaityldy.
