Búgin Soltústik Qazaqstan oblysynyń halqy erekshe alǵyspen basqa óńirlerden kelgen TJM bólimshelerin shyǵaryp saldy,- dep habarlaidy Dalanews.kz
Bul rásimge TJM basshysy Shyńǵys Árinov, SQO ákimi Ǵaýez Nurmuhambetov, quqyq qorǵaý organdarynyń, áskeri qurylymdardyń basshylary men jurtshylyq qatysty.
"Qutqarýshylar kúrdeli sý tasqyny kezeńinde kómekke kelip, óńirimiz úshin senimdi tirek boldy. Olar táýlik boiy, tizeden muzdai sýda turyp, daýyl men sýyqqa qaramastan, bógetterdi bekitip, aýyldar men adamdardy saqtap qaldy. Soltústikqazaqstandyqtardyń atynan árbir qutqarýshyǵa rizashylyǵymdy bildiremin",- dep atap ótti oblys ákimi.
Sondai-aq, óńir basshysy jigitterdiń ata-analary ben otbasylaryna shyn júrekten alǵys aitty. Olardyń tárbiesi arqasynda elimizde osyndai batyl, rýhy myqty, naǵyz qorǵaýshylar ósip shyqty. Oblys ákimi kásibilik, tózimdilik pen adamgershilikteri úshin raqmet aityp, aq jol tiledi.
