Soltústik Qazaqstan oblysynda tasqyn kezeńinde «Birtutas dron infraqurylymy» jobasy iske qosyldy, – dep habarlaidy Dalanews.kz
Bul joba Prezidenttiń tapsyrmasy boiynsha júzege asty. Atalmysh joba óńirge jumys sapary kezinde Premer-Ministr Oljas Bektenovke tanystyryldy. Búgin jobanyń júzege asýymen Tótenshe jaǵdailar ministri Shyńǵys Árinov pen óńir basshysy Ǵaýez Nurmuhambetov SQO ákimdigi janyndaǵy jańa sitýatsiialyq ortalyqta tanysty. Bul «Qazaqtelekom» men SQO ákimdiginiń birlesken jobasy.
Drondar arqyly tasqyn jaǵdaiy táýlik boiy, naqty ýaqyt rejiminde baqylanady. Barlyǵy 8 dron sý tasqyny qaýpi joǵary aimaqtardy áýeden baqylaýda:
- Shaǵalaly ózeni, Taiynsha qalasy;
- Toqsan bi, Músirepov aýdany;
- Sergeev sý qoimasy;
- Pokrovka, Esil aýdany;
- Novonikolskoe kópiri;
- Teplichnoe jáne Pribrejnoe;
- Bolshaia Malyshka;
- Petropavldaǵy Zarechnyi, Bylǵary kenti, Ýshev, 0,8 km.
"Drondar avtomatty zariadtaý júiesimen, jylý beineleý júielerimen jabdyqtalǵan, bul olardyń kez kelgen jaǵdaida jumys isteýine múmkindik beredi. Olar sý deńgeiiniń ózgerisi men múmkin bolatyn qaýipter týraly jedel aqparatty áýeden jetkizedi, bul qyzmetterge tez áreket etýge jáne jedel sheshimder qabyldaýǵa múmkindik beredi. Drondardy paidalaný tasqyndardy boljaý dáldigin jaqsartyp, óńir turǵyndary úshin yqtimal zardaptardy azaitýǵa múmkindik beredi", - dep jazdy óńir basshysy áleýmettik jelide.
SQO ákimdigi janyndaǵy sitýatsiialyq ortalyq barlyq aqparattyq júielerdi biriktirgen negizgi analitikalyq jáne úilestirýshi býyn. Mundai tásil naqty ýaqyt rejiminde kóptegen baǵyttar boiynsha jaǵdaidy baqylaýǵa jáne barlyq memlekettik organdardyń áreketterin úilestirýge múmkindik beredi.
