Soltústik Qazaqstan oblysynyń prokýrorlary memleket menshigine 29,8 mlrd teńge turatyn paidalanylmai jatqan jerlerdi qaitardy, dep habarlaidy Dalanews.kz.
Prokýratýra organdary paidalanylmai jatqan jer ýchaskelerin anyqtaý jáne olardy memleket menshigine qaitarý boiynsha júieli jumystar júrgizýde.
2025 jyldyń basynan beri qadaǵalaýshy organ jalpy aýdany 146 myń gektardan asatyn 75 jer ýchaskesin anyqtady, olar maqsatyna sai paidalanylmaǵan.
Aqjar, Esil, Ǵabit Músirepov, Timiriazev jáne Ýálihanov aýdandarynda jer paidalanýshylar Jer kodeksiniń talaptaryn buza otyryp, aýyl sharýashylyǵy maqsatyndaǵy 45 jer ýchaskesin uzaq ýaqyt boiy maqsatty paidalanbaǵan.
Petropavl qalasynda kásipkerlik sýbektisi Jer kodeksiniń talaptaryna qaramastan, úsh jyl boiy kommertsiialyq maqsatta bólingen 123 gektar jer ýchaskesin paidalanbaǵan.
Prokýrorlyq qadaǵalaý aktileriniń negizinde jalpy aýdany 33,2 myń gektardy quraityn, kadastrlyq quny 29,8 mlrd teńge bolatyn 36 jer ýchaskesi memleket menshigine qaitaryldy.
Memleket basshysynyń 2024 jylǵy 2 qyrkúiektegi Joldaýyna sáikes, jergilikti atqarýshy organdar qaitarylǵan jerlerdi adal nietti jer paidalanýshylarǵa berý boiynsha jumystar júrgizýde.
